ދިވެހީންގެރާއްޖެ އެއް ހޯއްދަވައިދެއްވާނެ ކަމަށް ރައީސް ޑރ މުހައްމަދު މުއިއްޒު ވެވަޑައިގެން ވައުދަށް އަހަރެއް ވަނީއެވެ. ޒުވާނުންނަށް ވަޒީފާގެ ފުރުސަތުތައް ފަހިކޮށްދީ، އަމާން ކުށްމަދު ތަނަކަށް ދިވެހިރާއްޖެ ހަދައިދޭނެ ކަމަށް ބުނި ބުނުން ވެގެން ދިޔައީ ދައްކާލި ފޮނި ވާހަކައަކަށެވެ.

ވެރިކަމަށް އަހަރެއް ވެގެން ދާއިރު، ރާއްޖޭގެ ކުށްކުރާ މިންވަރު މިވަނީ އަތް ނުފޯރާ ފަށަށް މައްޗަށް ގޮސްފައެވެ. އެ ބާވަތުގެ ކުށުގެ ހާއްޔަކަށް ރާއްޖެ މިވަނީ މިއަދު ވެފައެވެ.

ކޮންމެ ދުވަހަކު އިރު އަރާ އޮއްސިގެން މިދަނީ ކޮންމެވެސް މީހެއްގެ ގަޔަށް ވަޅިޖަހާ، މަސްތުވާތަކެތި ބޭނުންކޮށް އެތަކެތީގެ ވިޔަފާރިކުރުމުގެ ވާހަކައާއި ކޮންމެވެސް ގެޔެއް/ ފިހާރައެއް ފަޅާލި ވާހަކައާއި ރާއްޖޭގެ ކޮންމެވެސް ސަރަހައްދެއްގައި ޖިންސީ ޝިކާރައަކަށް ބަޔަކު ވެގެންދާ ކަމުގެ ޚަބަރުތަކަށެވެ.

އިންތިޚާބުތަކާއި ދިމާކޮށް ކުށްވެރިން ދޫކޮށް ގައުމުގެ މަސްލަހަތު ނަގާލާ ނަގާލުން ހުއްޓުމަކަށް ގެންނަން ޖެހެއެވެ. ހިތާމައަކީ ކަން މިހެން ހުންނައިރުވެސް މިފަދަ ކަންތައްތައް އިސްލާހުކޮށް ރަނގަޅު ސިޔާސަތުތައް ތަންފީޒުކުރަން އައި މީހުންވެސް ހަމައެއްކަމެއް ކުރާތީއެވެ.

ގޭންގްތަކާއި ކުށްކުރާ މީހުންގެ ބާރުގެ ދަށުގައި އޮތް މި ސަރުކާރުން މިފަދަ މީހުންނަށް އެއްވެސް ފިޔަވަޅެއް އެޅުމަށް ވަނީ ނުކުޅެދިފައެވެ. އަނިޔާ ލިބޭ މީހާއަށްވުރެ ކުށްކުރާ މީހާގެ ހައްގުތައް މިހާރު މިވަނީ ގިނަވެފައެވެ. ސަރުކާރުވެސް އޮތީ މިފަދަ މީހުންގެ އަތް ދަށުވެފައެވެ. ސަރުކާރު ދަމަހައްޓަން ބޭނުންވާނަމަ ކުށްކުރާ މީހުން ރުއްސައިގެން އުޅެން މުއިއްޒުއަށް ވަނީ މިއަދު މަޖުބޫރުވެފައެވެ.

އާންމު ރައްޔިތު މީހާއަށް ހުރިހާ ދެރައެއް ލިބެމުންދާއިރުވެސް އަމިއްލަ މަންފާއަށް ސަރުކާރު އޮތީ ނިދާފައެވެ.

ކުށްކުރާ މީހުންނަށް ހައްގު އަދަބު ދެއްވާނެކަމަށް ތަންފީޒީ އިދާރާތަކުންނާއި ސަރުކާރުގެ އިސްވެރިން ވިދާޅުވަމުން ގެންދެވި ނަމަވެސް އެކަމަށް އެއްވެސް މަސައްކަތެއް ނުވަތަ ގާނޫނީ ގޮތުން އެއްވެސް ފިޔަވަޅެއް އަޅުއްވާތަން ނުފެނެއެވެ.