ރައީސް ޑރ މުހައްމަދު މުއިއްޒު ކުޑަކުދިން ހައްލާލަން ކުޑަކުދިން ކައިރީ ދައްކާ ކަހަލަ ވާހަކަ ރައްޔިތުން ކައިރީ ދެއްކުން ހުއްޓާލުމަށް ޕީއެންއެފްގެ ސެކްރަޓަރީ ޖެނެރަލް މުހައްމަދު މަލީހް ޖަމާލް ވިދާޅުވެއްޖެއެވެ.

މަލީހް މިފަދައިން ވިދާޅުވީ ޖުމްހޫރީ ދުވަހާއި ގުޅިގެން ބޭއްވި ރަސްމީ ޖަލްސާގައި މުއިއްޒު ދެއްކެވި ވާހަކަތަކާއި ގުޅިގެން މަލީހްގެ އެކްސްގައި ކޮށްފައިވާ ޕޯސްޓެއްގައެވެ.

މުއިއްޒުގެ ވެރިކަމެއްގައި ފަނޑިޔާރުގެ އަށް އަތް ބޭނުން ނިމޭނެ ކަމަށް ވިދާޅުވުމާއި ގުޅިގެން މަލީހް ވިދާޅުވީ ހަމައެކަނި ޖޭއެސްސީގެ މެންބަރުންނަށް ބަލާލިއަސް އެކަން ސާފުވެގެން ދާނެ ކަމަށެވެ.

ޖޭއެސްސީއަށް ވެސް އައްޔަނުކޮށްފައިވަނީ މުއިއްޒުގެ އިރުޝާދުގެ ދަށުން ފިޔަވަޅެއްވެސް ނާޅުއްވާނެ ވަރުގެ މެންބަރުން ކަމަށް ވާއިރު ޝަރުއީ ދާއިރާ މިނިވަން ކަމަށް މުއިއްޒު އެ ވިދާޅުވާ ވިދާޅުވުން އެއްވެސް ދިވެހި ރައްޔިތަކު ގަބޫލުފުޅު ނުކުރައްވާނެ ކަމަށެވެ.

އެކަން މުއިއްޒު ރައީސް އަބްދުﷲ ޔާމީން އަބްދުލްގައްޔޫމް އާއި ދޭތެރޭ ކަންތައް ކުރެއްވި ގޮތުން ވަރަށް ސާފުކޮށް ރައްޔިތުންނަށް އެގިވަޑައިގެންފައިވާ ކަމަށްވެސް މަލީހް ފާހަގަކުރެއްވިއެވެ.

މުއިއްޒު ވަނީ އެމަނިކުފާނުގެ ވާހަކަފުޅުގައި ރައީސް ޔާމީނަށާއި އިދިކޮޅަށް ވަރަށް ބޮޑަށް ފާޑު ވިދާޅުވެފައެވެ.