އިޙްސާންކަމަކީ، އިޚްލާޞްތެރިކަމާއި، ތެދުވެރިކަމާއި، ހެޔޮކޮށް ހިތުން ކަމަށާއި އެއީއިސްލާމްކަމާއި، އީމާންކަމަށް ފަހު، މުއުމިނެއްގެ ޙަޔާތުގައި، ނުހަނު މަތިވެރި ދަރަޖައެއް ލިބިގެންވާ ކަމެއް ކަމަށް މިއަދުގެ ޚުތުބާގައި ވިދާޅުވެއްޖެއެވެ.

މިއަދުގެ ޚުތުބާ އަލިއަޅުވާލާފައިވަނީ އިހްސާންކަމުގެ މައްޗަށެވެ.

މިއަދުގެ ހުތުބާގައި ވިދާޅުވެފައިވަނީ އިހްސާންކަމަކީ، މުކައްލަފެއްގެ އެންމެހައި އަމަލުތަކުގައި ހުރުން ލާޒިމު ސިފައެއް ކަމަށެވެ. އިސްލާމްކަމާއި، އީމާންކަމާއި، އަޅުކަމުގައި ވެސް ކަމަށެވެ. އެހެންމީހުންނާ ކުރާ މުއާމަލާތުގައްޔާއި، އަމިއްލަ ނަފުސަށް ކުރާ މުއާމަލާތުގައި ވެސް ކަމަށެވެ.

ޚުޠުބާގައި އިތުރަށް ބުނީ، އިޙްސާންކަމުގައި ދެން އޮންނަނީ، އަޅުތަކުންގެ މައްޗަށް އިޙްސާންތެރިވުން ކަމަށާ އޭގެތެރެއިން އެންމެ އައުލާކަން ބޮޑު ބަޔަކީ، މައިންބަފައިން ކަމަށެވެ. މި ގޮތުން ޤުރުއާނުގެ އާޔަތެއް ނަންގަވައި، މައިންބަފައިންނަށް "އުއްފު" ވެސް ނުބުނުމަށާއި، އެ ދެ ފަރާތަށް އަޑުގަދަނުކުރުމަށާއި، މާތް ބަހުން މުޢާމަލާތްކުރުމަށް އިރުޝާދު ދީފައިވެއެވެ.

މީގެ އިތުރުން ޚުޠުބާގައި ގާތްތިމާގެ މީހުންނާ ގުޅުން ބަދަހިކުރުމުގެ މުހިންމުކަމާއި، ޔަތީމުންނާއި މިސްކީނުންނަށް އެހީތެރިވުމުގެ މަތިވެރިކަން ފާހަގަކުރެއްވިއެވެ.