އަންނަ މަހު އޮންނަ ރައްޔިތުންގެ މަޖިލިހުގެ އިންތިހާބުގައި އެމްޑީޕީގެ ޓިކެޓުގައި ވާދަކުރާނެ ކެންޑިޑޭޓު ކަނޑައެޅުމަށް ބޭއްވި ޕްރައިމަރީގައި މަޖިލީހުގެ އައްޑޫ މީދޫ ދާއިރާގެ މެމްބަރު ރޮޒައިނާ އާދަމް ނާކާމިޔާބުވެއްޖެއެވެ.

ރޮޒައިނާ ކުރިމަތިލެއްވީ ފޭދޫ އުތުރު ދާއިރާ އަށެވެ. އެމްޑީޕީގެ ޓިކެޓް ކާމިޔާބު ކުރެއްވީ މީގެކުރިން، ފުޓްބޯޅައިގައި އާންމުންގެ ސަމާލުކަން ލިބުނު އަހުމަދު ޝަރީފު (ޑުންގާ) އެވެ. ޑުންގާއަކީ ފުޓްބޯޅައިގެ އޭ ލައިސަންސް އޮންނަ ކޯޗެއްގެ އިތުރުން ފުޓްބޯޅަ އެސޯސިއޭޝަން އޮފް މޯލްޑިވްސް (އެފްއޭއެމް) ގައި ގިނަ އަހަރުތަކެއް ވަންދެން މަސައްކަތް ކުރެއްވި ބޭފުޅެެއްކަން ފާހަގަކޮށްލެވެއެވެ.

ޑުންގާ ރޮޒެއިނާގެ މައްޗަށް ކުރި ހޯއްދަވާ ޓިކެޓް ކަަށަވަރު ކުރެއްވި އިރު، މާލެ ސިޓީ އާއި އައްޑޫ ސިޓީގައި ބެހެއްޓި ވޯޓް ފޮށިން ވެސް ކުރި ހޯއްދެވީ ޑުންގާއެވެ. ރޮޒެއިނާ އަށް 221 ވޯޓު ލިބިވަޑައިގެންނެވި އިރު، ޝަރީފަށް ވަނީ 251 ވޯޓު ލިބިވަޑައިގެންފައެވެ. އެ ދާއިރާގެ ޓިކެޓުގައި ދެން ވާދަކުރެއްވި ރައްޔިތުންގެ މަޖިލީހުގެ ކުރީގެ މެމްބަރު އަހުމަދު ހަމްޒާއަށް ލިބިވަޑައިގެންނެވީ 206 ވޯޓެވެ.

ރޮޒައިނާ އަކީ އެމްޑީޕީގައި އެތައް ބޮޑެތި ޖަރީމާތަކެއް ހިންގެވި ކަނބަލެއްކަން ފާހަގަކޮށްލެވެއެވެ.