އާސަންދަ ނިޒާމަށް "ކެންސަރު" ޖެހިފައިވާ ކަމަށް ބުނެ އެ ނޒިާމު އުވާލަން ރައްޔިތުންގެ މަޖިލީހުގެ ނައިބު އަހުމަދު ނާޒިމް ބާރުއަޅައިފިއެވެ.
ނާޒިމް މިފަދަ ގޮތަށް ވިދާޅުވެފައިވަނީ އަންނަ އަހަރު ލަފާކުރާ ދައުލަތުގެ ބަޖެޓަށް މިއަދު ބަހުސް ކުރައްވަމުންނެވެ.
ނާޒިމް ވިދާޅުވީ، އަމިއްލަ ކުންފުންޏަކުން 24 މިލިއަން ރުފިޔާ އެ އިންޖެކްޝަނަށް އާސަންދައަށް ބިލުކޮށްފައިވާ ކަމަށް އެންސްޕާގެ ސީއީއޯ ހީނާ ވަލީދު ކުރިން ވިދާޅުވެފައިވާވުމުން މިސާލު ނަގަމުން ނާޒިމް ވިދާޅުވީ، މަޖިލީހުގެ ކޮމިޓީއިން އާސަންދައިގެ ކަންކަން ދިރާސާކުރި އިރު ފެނިގެން ދިޔައީ އެ ނިޒާމު ރިފޯމު ނުކުރެވޭނެ ކަމުގެ ނިޝާންތައް ކަމަށެވެ.
އާސަންދައިގެ ކަންކަން މާލިއްޔަތު ކޮމެޓީން ބެލި ބެލުމުގައި، އާސަންދަ މިވަނީ ރަގަޅު ނުކުރެވޭ ވަރަށް، ރިފޯމް ނުކުރެވޭ ވަރަށް ގޯސްވެފަ. އަސްލު ކެންސަރު ޖެހިފަވަނީ އާސަންދައަށް
ބޮޑު ބައްޔަކާ ދިވެހިންގެ ގައުމީ ސިއްހީ ސްކީމު ސިފަކުރަމުން ނާޒިމް ވިދާޅުވިއެވެ.
އެ ކުންފުނި އުވާލައި އާ ކުންފުންޏަކާއެކު އެ މަސައްކަތް އަލުން ފެށުމަށް ވެސް ނާޒިމު ވަނީ މަޖިލީހުގައި ގޮވާލާފައެވެ.
