ދޮގު ހެއްދެވުމުގެ ބައްޔަށް ރައީސް މުހައްމަދު މުއިއްޒު ފަރުވާ ހޯއްދެވުމަށް ދަ ޑެމޮކްރަޓެސް ގެ މުއައްސިސް ހަސަން ލަތީފް ގޮވާލައްވައިފި އެވެ.
އެކްސްގައި ކުރެއްވި ޕޯސްޓެއްގައި ހަސަން ވިދާޅުވީ ދޮގުހެދުމުގެ ބައްޔަށް ހަގީގަތުގައި ވެސް މުއިއްޒު "ޕްރޮފެޝަނަލް އެހީތެރިކަން" ހޯއްދަވަން ޖެހޭ ކަމުގަ އެވެ.
ހަސަން ލަތީފް ވަނީ މުއިއްޒު އަކީ "ޕެތޮލޮޖިކަލް ލަޔާ" އެއްގެ ގޮތުގައި ސިފަ ކުރައްވާފަ އެވެ.
ސިއްހީ މާހިރުންގެ ބަހުން، މީހަކީ ދޮގުހެދުމުގެ ބަލި ޖެހިފައިވާ މީހެއް ނަމަ، އޭނާއަށް އެކަން ފުރިހަމައަށް އެނގިފައި ނުވުން އެކަށީގެންވެއެވެ.
ހަސަން
ހަސަން މިފަދައިން ވިދާޅުވިއިރު ރައީސް ޑރ. މުހައްމަދު މުއިއްޒުގެ އުސްލޫބަކީ ނުވަތަ ސްޓައިލަކީ ފަސޭހަ ކަމާ އެކު ދޮގު ހެދުން ކަމަށް ކުރިގެ ނައިބު ރައީސް ޑރ. މުހައްމަދު ޖަމީލު އަހުމަދު ވެސް ވަނީ ވިދާޅުވެފަ އެވެ.
ތެދެކެވެ. މުއިއްޒުގެ ވެރިކަމުގެ "ކަޅު ދިގު އެއް އަހަރު" ފެންނަނީ ހުދުމުހުތާރު ވެރިކަމަކާ ދިމާއަށް ރާއްޖެ މިސްރާބު ޖަހާފައިވާތަނެވެ. އަމިއްލަ އެދުމުން ފޯވެ ދައުލަތް އަމިއްލަ މިލްކަކަށް ހަދައިގެން އަނިޔާވެރި ޑިކްޓޭޓަރެއް ގައުމު ލޫޑުވާތަނެވެ. މިއަދު މުއިއްޒު ވެރިކަން ހިންގަވަން ގެންގުޅޭ "ސްޓްރެޓަޖީ" އަކީ ރައްޔިތުންގެ ހިތުގައި ބިރު އުފައްދައިގެން ދޮގު ހެދުމެވެ.
ދޮގުވެރިއެއްގެ ގޮތުގައި ﷲ ގެ ހަޒުރަތުގައި އެމީހަކު ލިޔުއްވިއްޖެނަމަ، ދެން އެކަލާނގެ ހަޒުރަތުގައި އެމީހަކީ ތެދުވެރިއަކަށްވާނެ ގޮތެއް ނޯންނާނެ އެވެ. އޭގެ ނަތީޖާއަކަށްވެގެންދަނީ އޭނާގެ ދޫ އެކީ ދޮގުވުމެވެ. ގުނަންތައް ދޮގުވުމެވެ. ވިސްނުންތައް ދޮގުވުމެވެ. އޭނާއަށް ސީދަލަށް ކުރެވޭނެ ހަމަ އެއްކަމެއް ވެސް ނޯންނާނެއެވެ. ތިމާ މިހަދަނީ ދޮގެއްކަން ތިމާއަށް ވެސް އިހުސާސް ނުވެ ދޮގުހަދާ އުޅޭ މީހުން އެބަފެނޭހެއްޔެވެ؟
ﷲ ގެ ހަޒުރަތުގައި ދޮގުވެރިއެއްގެ ގޮތުގައި ލިޔުއްވިއްޖެނަމަ، އެއީ ހިތާމަހުރި ކަމެކެވެ. އޭގެ ހިތާމަވެރިކަމުގެ ބޮޑުކަމަކީ ތިމާއަށް ތެދު ނުފެނުމެވެ.
