މޫސުން ގޯސްވާނެ ކަމަށް ލަފާކޮށް ގައުމީ މޫސުމާ ބެހޭ އިދާރާ (މެޓް) އިން ނެރުނު ހުދު ސަމާލު ދަންމާލައިފިއެވެ.
ބޯކޮށް ވާރޭ ވެހުމާއެކު ގުގުރާނެ ކަމަށް ލަފާކޮށް މެޓުން ރ. އަތޮޅުން ފެށިގެން ލ. އަތޮޅަށް ހެނދުނު ނެރުނު ސަމާލުގެ މުއްދަތު ހަމަވީ މެންދުރު 2:00 އަށެވެ.
އެ ސަމާލުގެ ވަގުތު ފަހުން މެޓުން ވަނީ މިރޭ 08:00 ހަމައަށް އިތުރުކޮށްފައެވެ.
\ހުދު ސަމާލުގައި ހާމަކޮށްފައިވަނީ ބޯކޮށް ވާރޭވެހުމާއެކު ގުގުރާނެ ކަމަށް ލަފާކުރެވޭ ކަމަށެވެ.
މިއަދު ހަވީރު 6:00 އާ ހަމައަށް މޫސުން ކުރިއަށް ލަފާ ކުރާ ގޮތަށް ބަލާއިރު، ރާައްޖޭގެ އެކި ހިސާބަށް ވިއްސާރަ ކުރުމާއެކު، ގުގުރާނެ ކަަމަށް ލަފާ ކުރެވޭ ކަމަށް ބުނެފައި ވެއެވެ. އަދި ބައެއް ރަށްތަކަށް ބޯކޮށް ވާރޭ ވެހުންވެސް އެކަށީގެންވާ ކަމަށްވެސް ބުނެފައި ވެއެވެ.
މެޓް އިން ލަފާކޮށްފައިވާގޮތުގައި ދެކުނުގެ ކަނޑުތައް އާދައިގެ ވަރަކަށް ގަދަވާނެއެވެ. އަދި އެހެން ހިސާބުތަކުގެ ކަނޑުތައް އާދައިގެ ވަރަކަށް މަޑުވެފައި، ވިލާގަނޑުގައި ކަނޑުތައް ގަދަވާނެ ކަަމަށް ލަފާ ކޮށްފައި ވެއެވެ.
މެޓް އިން ވަނީ ބޯކޮށް ވާރޭ ވެހުމާއެކު ގުގުރާނެ ކަމަށް ލަފާ ކުރެވޭތީ، ހުރިހާ ފަރާތްތަކުންވެސް މޫސުމަށް ސަމާލުވުމަށް އެެދިފައެވެ.
