ހައްތަހާވެސް މި ދެކެވެނީ އައު ސަރުކާރުން ވެފައިވާ ވައުދު ތަކުގެ ވާހަކައެވެ. މަތި މައްޗަށް ވައުދުވެ އައިސްފައިވާ ރައީސުލްޖުމްހޫރިއްޔާ ޑރ.މުހައްމަދު މުއިއްޒުގެ ނުފުދި ހުރި ވައުދުތަކުގެ ވާހަކަތައް ދެއްކީމާ ވިދާޅުވަމުންދަނީ، ސަރުކާރަށް އަދި ވީ އެންމެ ދެމަސްކަމުގައެވެ. ސަރުކާރަށް "ޓައިމް" ކޮޅެއް ދެއްވާށެވެ.

ދެމަސް ތެރޭގައި ވައުދުތައް ނުފުއްދިގެން އާންމު ރައްޔިތުން ވާހަކަ ދައްކަން ޖެހެނީ ކޮންމެހެން ސަރުކާރާއި ދެކޮޅު ވީމައެއްނޫނެވެ.

ސަރުކާރާއި ހަވާލުވުމާއެކު "ހަފްތާ 14" ގެ ނަމުގައި ބޮޑު ފޮތެއް ނެރުނީ ރައްޔިތުން ބުނެގެނެއް ނޫނެވެ. ެ ފޮތުގައި ފުރަތަމަ 14 ހަފްތާ ތެރޭގައި ނިންމަން ވައުދުތަކެއް ވެސް ހިމެނީީކީ ރައްޔިތުންނެއް ނޫނެވެ. އަދި ވެރިކަމާއި ހަވާލުވެ ފުރަތަމަ ދެ ހަފްތާގެ ތެރޭގައި އެތައް މަޝްރޫއެއް ހިންގައި އެކަން ނިންމަކަށް ވެސް ރައްޔިތުންނެއް ނުބުނެއެވެ.

ރައްޔިތުން ހަމަ އެކަނި ބޭނުންވަނީ ރަނގަޅު ތަރައްޤީއެއް އެންމެ އެދެވޭ ގޮތުގައި ލިބިގެންދިއުމަށެވެ. ކޮންމެހެން ވެރިކަމާއި ހަވާލުވާ ފުރަތަމަ ދުވަހު ބޮޑެތި އިމާރާތްތައް އަޅާކަށް ނޫނެވެ. ގެއްލިފައިވާ ކަނޑު ހޯދުމުގެ މަސައްކަތް ކުރުމަކީ ވެސް ވަރަށް ބޮޑު ވަރަކެެވެ. ނަމަވެސް އެ މަސައްކަތް ނުފެށޭތާ ހާމަކުރަން ބުނި އެ ސިއްރު ސިޓީގެ ވެސް އަދި ހަބަރެއް ނުވެއެވެ.

"ހަފްތާ 14" އަށް ބަލާއިރު ނިމިދިޔަ ސަރުކާރުން ސިއްރު ސިޓީއަކުން ވިއްކާލި ދިވެހި މަސްވެރިންގެ މަސްކަނޑު އަބުރާ ހޯދުމުގެ މަސައްކަތް ފައްޓަވާނެ ވާހަކަ ރައީސް މުއިއްޒު ފާހަގަކޮށްފައިވެއެވެ. ނަމަވެސް އަދި މިހާތަނަށް އޭގެ ވާހަކައެއްވެސް ދެކެވުނު އަޑެއް ނާހަމެވެ.

ރާއްޖޭގެ ކަނޑުން ބޮޑު ބައެއް ވިއްކާލުމަށްވި އެއްބަސްވުންތަކާ މަޝްވަރާތަކުގެ ސިޓީފުޅެއް ރައީސް އިބްރާހިމު މޮރިޝަސްއަށް ފޮނުވިކަން ދިވެހިންނަށް ހާމަވެފައިވަނީ އެ މައްސަލަ އިޓްލޮސްގައި ކުރިއަށް ދިޔައިރު މޮރިޝަސްއިން އެ ގައުމުގެ ދިފާއުގައި ވަކާލުތުކުރި ކުރުމުގައި ވަކީލުން ދެއްކެވި ވާހަކަތަކުންނެވެ.

އެއާއެކު ދިވެހިންނަށް ނޭނގި ހާއްސަކޮށް މަޖިލީހަށްވެސް އެނގުމަކާ ނުލާ އެ ފަދަ ސިޓިފުޅެއް ރައީސުލްޖުމްހޫރިއްޔާއަށްވެސް ނުފޮނުވޭނެކަން ފާހަގަކުރަމުން މަޖިލިސް ތެރެއިން މެމްބަރުން ކަންބޮޑުވުން ފާޅުކޮށް އެ ސިޓީ ހާމަކުރުމަށް ގޮވާލާ މަޖިލިހުގެ 241 ކޮމިޓީ ގައުމީ ސަލާމަތާ ގުޅުން ހުރި ކޮމިޓިގެ ތެރެއިން އެ ސިޓީ ހޯދުމަށްވެސް މަސައްކަތްފެށިއެވެ.

މިހާރު ސަރުކާރުގެ އިސް ފަޑީގައި ވެސް އެތީބީ، ނިމިދިޔަ ސަރުކާރުން ސިއްރު ސިޓީ ފޮނުވައިގެން ކަނޑު ވިއްކާލި ކަމުގެ ތުހުމަތު ކޮށް ބޭއްވި ޖަލްސާތަކުގައި އެންމެ ކުރީ ސަފުގައި ތިއްބެވި ބޭފުޅުންނެވެ. ޗާގޯސް ހޯދުމަށް ޕެޓިިޝަނެއް ހުޅުވާލައި އެއަށް ސޮއި ހަމަކުރަން ވެސް އިސްކޮށް އުޅުނީ ހަމަ މިސަރުކާރުގެ މިހާރު ތިބި އިސްވެރިންނެވެ. ދެން އެހެން ވީއިރު، އޭރު އެކަމަކަށް ދައުވާ ކުރި ކަމެއް ކުރުމުގެ ބާރު ލިބުމުން އެކަން ނުކުރާތީ ރައްޔިތުން ކީއްކުރަން، އެހެން ގައުމުތަކުން ވެސް ފާޑުކިޔާނެއެވެ. ގޯސްވާނީ ފާޑުކިޔަމުންދާ އާންމު ރައްޔިތުންނެވެ.

ކެމްޕެއިން ތެރެއިން ވެސް ރައްޔިތުންނަށް އޮޅުވާލީ މިފަދަ މަސައްކަތްތައް ވެރިކަން ލިބުމާއެކު ކުރާނެ ކަމުގެ ވައުދުވެ ވަޑައިގެންނެވެ. ނަމަވެސް އަދި އޭގެ ތެރެއިން ރައްޔިތުން އެންމެ ބޭނުންވާ މަސައްކަތްތައް ހުރީ ނުފެށިއެވެ. ފާޑުކިޔަސް ވަރިހަމަތާއެވެ.

މި ސަރުކާރުގެ މައިގަނޑު މައްސަލަ އަކީ، ނުވާވަރުން ވައުދުވާތީއެވެ. ބަހާއި އަމަލު ދިމާނުވާތީއެވެ.

ފުރަތަމަ ހަފްތާގެ ތެރޭގައި ނުވަންހުރި ކަމެއް ވާނެ ކަމަށް ބުނެ ވައުދު ވަނީ ހަމަ އަމިއްލަ އަށް ރައްޔިތުންގެ ކުރިމަތީގައި އަގު ވެއްޓެން ވެގެންނެވެ.