ޕާޓީން ވަކިވެއްޖެ ނަމަ ނުވަތަ ޕާޓީން ވަކިކޮށްފި ނަމަ މަޖިލިސް މެންބަރުކަން ގެއްލޭ ގޮތަށް ގާނޫނުއަސާސީއަށް ގެންނަން ސަރުކާރުން ހުށަހަޅާފައިވާ އިސްލާހު ކޮމިޓީން ދެންމެ ފާސްކޮށް ހަވީރު ޖަލްސާއެއް ބާއްވާ އިސްލާހު ފާސްކުރަން ބާއްވާ މިއަދު ހަވީރަށް އެޖެންޑާ ކޮށްފި އެވެ.
ގާނޫނުއަސާސީއަށް ގެންނަ އިސްލާހު ތަކަކީ؛
މި ވަގުތު ޕީއެންސީގެ އެކްޓިވިސްޓުން މަޖިލިސް ދޮށަށް އެއްވެ އަޑު އުފުލަމުން ދަނީ ގާނޫނުއަސާސީއަށް ގެންނަ އިސްލާހަށް ތާއިދުކޮށް، އިދިކޮޅު އެމްޑީޕީއަށް ފާޑުކިޔުމަށެވެ. އެމްޑީޕީން މަޖިލިސް ދޮށުގައި އަޑު އުފުލަމުން ދަނީ "ގާނޫނުއަސާސީގެ ދިފާއުގައި" ކަމަށް ބުނެ އެވެ.
މަޖިލިސް މެންބަރުން ޕާޓީ ބަދަލުކޮށްފިނަމަ ނުވަތަ ޕާޓީއިން ވަކިކޮށްފި ނަމަ ގޮނޑި ގެއްލޭ ގޮތަށް އަވަސް އަރުވާލައިގެން ގާނޫނުއަސާސީ ބަދަލު ކުރުމަށް ވެރިކަން ކުރާ ޕީއެންސީ އިން ކުރަމުންދާ މަސައްކަތްތަކާ ގުޅިގެން ސިޔާސީ ލީޑަރުންނާއި ގާނޫނީ ދާއިރާގެ ބޭފުޅުން ކަންބޮޑުވުން ފާޅުކުރަން ފަށައިފި އެވެ.
މަޖިލިސް މެންބަރުންގެ ގޮނޑި ގެއްލޭނެ ހާލަތްތަކަށް ގެންނަ ބަދަލު ހިމެނޭހެން ސަރުކާރު ހިންގާ މައި ޕާޓީ، ޕީއެންސީގެ މެންބަރުންނަށް އެންގީ، މެންބަރުންނާއި ބައެެއް މިނިސްޓަރުންނާއެކު މުލިއާގޭގައި ރައީސް ޑރ. މުހައްމަދު މުއިއްޒު އިއްޔެ ބޭއްވި ބައްދަލުވުމެއްގައެވެ.
މި ބިލު މުޅި މަޖިލީހުގެ ކޮމިޓީން ފާސްކުރީ 75 މެމްބަރުންގެ ވޯޓާއެކު އެވެ. މިކަމާ ދެކޮޅަށް 13 މެމްބަރުން ވޯޓު ދެއްވި އެވެ.
