ސިނަމާލެ ބްރިޖްގެ ފެންސްގައި ޖެހި ސައިކަލެއް ޖެހި ހިނގި އެކްސިޑެންޓުގައި ސައިކަލު ދުއްވަން އިން މީހާގެ ފައި ބިނދި، ބޮލަށް ވަރަށް ބޮޑަށް އަނިޔާވެފައިވާ ކަމަށް މައުލޫމާތު ލިބިއްޖެއެވެ.

މި އެކްސިޑެންޓްގައި އަނިޔާވެފައިވަނީ އުމުރުން 53 އަހަރުގެ ދިވެހި ފިރިހެނަކަށެވެ.

އާންމުވެފައިވާ އެކްސިޑެންޓްގެ ވީޑިއޯއިން ފެންނަ ގޮތުގައި އެމީހާގެ ވާތު ފަލަމަސްގަނޑާ ދިމާލުން ފައި ބިނދި، އަދި ބޮލަށް ވެސް އަނިޔާވެފައިވެއެވެ.

އަނިޔާވި މީހާއަށް މިހާރު އަންނަނީ އައިޖީއެމްއެޗް ހޮސްޕިޓަލްގައި ފަރުވާދެމުންނެވެ.

ފުލުހުންގެ އިދާރާއިން ހާމަކޮށްފައިވާ ގޮތުގައި މި އެކްސިޑެންޓްގެ މައުލޫމާތު އެ އިދާރާއަށް ލިބިފައިވަނީ އިއްޔެ ރޭ ފަތިހު 5:25 ގައި ކަަމަށެވެ.

ފުލުހުން އިތުރަށް ވިދާޅުވީ، މި ހާދިސާއާ ގުޅިގެން ފުލުހުން ބަލަން ޖެހޭ ކަންކަން ބަދަލަމުންދާ ކަމަށެވެ.