ގައުމުގެ އިސް މަގާމުތަކުގައާ އަދި ސިޔާސީ މަގާމުތަކުގައި ތިބެންޏާ ފާޑުކިޔުން ބަލައިގަތުމުގެ ހިތްވަރު ހުންނަންވާނެ ކަމަށް ރައީސް އަބްދުﷲ ޔާމީން ވިދާޅުވެއްޖެއެވެ.

އެމަނިކުފާނު މިފަދައިން ވިދާޅުވީ، ޗެނަލް13އަށް ދެއްވި ޚާއްސަ ބަސްދީގަތުމެއްގައެވެ.

ރައީސް ޔާމީން ވަނީ މި ސަރުކާރަށް 1 އަހަރު ވެގެން ދިޔައިރު ވެރިން ކިބައިން ފެންނަމުންދަނީ ބަލައިގަންނަން ދަތި ކަންކަން ކަމަށް ވިދާޅުވެފައެވެ. އެގޮތުން އެމަނިކުފާނު ވަނީ އާސަންދަ ގެންނަން އުޅޭ ބަދަލާ އިސް ރަސްވެރިންގެ އިނާޔަތަށް ގެންނަ ބަދަލާ އަދި މަސްވެރިންނާ މެދު ކަންކުރަމުން ސަރުކާރުން ގެންދާ ގޮތާ މެދުވެސް ކަންބޮޑުވުން ފާޅުކުރައްވާފައެވެ.

އެމަނިކުފާނު ވިދާޅުވީ ޑިމޮކްރެސީގެ ހަތަރުވަނަ ބާރުކަމުގައި ވާ މީޑިޔާގެ މިނިވަންކަން ވެސް މުށުތެރެއަށް ލުމަށް ސަރުކާރުން މަސައްކަތްކުރަމުން ގެންދާއިރު މީޑިޔާތަކާ މެދު ރައީށް މުހައްމަދު މުއިއްޒު އެހާ ޖެހިލުންވާ ސަބަބެއް ވިސްނިވަޑައިނުގަންނަވާ ކަމަށެވެ. ރައީސް ޔާމީން ވިދާޅުވީ، ކުރީގައި މީޑިޔާތަކުގައި މަސައްކަތްކުރެއްވި ބޭފުޅުން ރައީސް އޮފީހުގައި ތިއްބަވާ، އިސްވެ ގެންދަވަނީ މީޑިޔާތަކަށް ފިޔަވަޅު ނާޅައިގެން އެކި އެކި ބަހަނާ ދައްކާ، މަޖިލީހަށް ސިޓީ ފޮނުވަމުން ކަމަށާ ރައީސް މުއިއްޒުގެ ފޮޓޯފުޅަށް ގޮތް ހެދުމާ އެކި އެކި ބަހަނާ ދައްކަމުން އެ ބޭފުޅުން ގެންދަވާއިރު ރައީސް ކަމުގައި ހުންނަވާ ފާޑުކިޔުމާ ނުރުހުން އަމާޒުވި ހަމައެކަނި ރައީސަކީ ރައީސް މުއިއްޒު ނޫން ކަންވެސް ރައީސް ޔާމީން ފާހަގަކުރެއްވިއެވެ.

ރައީސް ޔާމީން ވިދާޅުވީ، މީޑިޔާގައި ކުރިން މަސައްކަތްކޮށްފައި ތިބި ބަޔަކު ނުކުމެ މީޑިޔާއަށް ފިޔަވަޅު ނޭޅިގެން އުޅޭއިރު އެ މީހުންނަށް އެމީހުން ނުކުތް މުގޯލި ވެސް ހަނދާން ނެތް ކަމަށެވެ.