ފުރުގާން މިސްކިތުގައި ބަހައްޓާފައި ހުރި މުސްހަފްތައް އުކާލައި މިސްކިތަށް ރޭ ގެއްލުން ދީފި އެވެ.

މިކަން ކޮށްފައި ވަނީ ރޭ ދަންވަރު އެވެ. އެތަން ފެނުނީ ފަތިހު ފަތިސް ނަމާދަށް ދިޔަ މީހުންނަށެވެ. އެ މިސްކިތަށް ފަތިސް ނަމާދަށް ދިޔަ ބައެއް މީހުން ބުނީ، މިސްކިތުގެ ކަރަންޓު ބޯޑުތަކާއި ވުޟޫ ކުރާ ތަނުގައި ހުރި އިސްކުރުތަކަށް ވެސް ގެއްލުން ދީފައިވާ ކަމަށެވެ.

އެ މަންޒަރުތައް ވީޑިއޯ ކުރެއްވި، ދީނީ އިލްމުވެރިޔާ އާދަމް ނިޝާން އަލީ ވިދާޅުވި ގޮތުގައި، ވުލޫ ކުރާ ބައިގެ ބައެއް އިސްކޫރުތައް ވެސް ވެސް ހުރީ ބިންދާލާފަ އެވެ. މިސްކިތުގެ ތެރޭގައި ހުރި ބައެއް ސާމާނުތައް ވެސް ހުރީ ވުލޫ ކުރާ ބަޔަށް އުކާލާފަ އެވެ.

މި މައްސަލަ މިހާރު ފުލުހަށް ހުށަހަޅާފައިވާ އިރު، ފުލުހުން ބުނީ މައްސަލަ ބަލަމުންދާ ކަމަށެވެ. މިސްކިތްތަކުން ވައްކަންކުރުމާއި ތަކެއްޗަށް ގެއްލުން ދިނުމުގެ މައްސަލަތައް މީގެ ކުރިން ވެސް ފެންމަތިވެފައިވެއެވެ.