ފިއުލް ސަޕްލައި މޯލްޑިވްސް (އެފްއެސްއެމް) ގެ މެނޭޖިން ޑިރެކްޓަރުގެ މަގާމުގައި ހުންނެވި އިސްމާއިލް ސުހައިލް އެ މަގާމުން އިސްތިއުފާ ދީފި އެވެ.

މައުލޫމަތު ލިބިފައިވާ ގޮތުގައި ސުހައިލް އިސްތިއުފާދީފައިވަނީ ކުންފުނި ތެރޭގައި ހިންގަމުން ދިޔަ ބޮޑެތި ވައްކަންތައް ހުއްޓުވާ ކޮރަޕްޝަނަށް ޒީރޯ ޓޮލަރެންސް ދިނުމަށް މަސައްކަތް ފެއްޓެވުމާއެކު އެމްޑީޕީއަށް ނިސްބަތްވާ ގިނަ މުވައްޒަފުންތަކެއް އެމްޑީގެ އަބުރުފުޅު ކަތިލަން މަސައްކަތްކުރަމުންދާ ދަނޑިވަޅެއްގައެވެ.

ސުހެއިލް އިސްތިއުފާ ދީފައިވާ ކަން އެފްއެސްއެމްގެ އިސް ބޭފުޅަކު ވަނީ ޔަގީން ކޮށްދީފަ އެވެ. އޭނާ އިސްތިއުފާ ދިން ވަކި ސަބަބެއް ސާފެއް ނުވެ އެވެ.

ސުހައިލް އެ މަގާމަށް އައްޔަނުކުރީ 5 ޑިސެމްބަރު 2023 ގައެވެ. ގާނޫނީ ދާއިރާއިން މަތީ ތައުލީމް ހާސިލުކުރައްވާފައިވާ ސުހައިލް ވަނީ ހޯމް މިނިސްޓްރީގެ އެގްޒެކެޓިވް ކޯޑިނޭޓަރުގެ މަގާމު މީގެކުރިން އަދާކުރައްވާފައެވެ.

އެފްއެސްއެމަކީ އެސްޓީއޯގެ ސަބްސިޑަރީ ކުންފުންޏެކެވެ.