ރައީސް އަބްދުﷲ ޔާމީން އަބްދުލް ޤައްޔޫމަށް މިއޮތީ ތިން އަސާސީ ހައްޤަކުން މަހުރޫމް ވެފައި ކަމަށް ރައީސް ޔާމީން އަލަށް އުފައްދަޗާފައިވާ ސިޔާސީ ޕާޓީ، ޕީޕަލްސް ނެޝަނަލް ފްރަންޓް (ޕީއެންއެފް) އުފެއްދުމުގައި އިސްކޮށް ހަރަކާތްތެރިވާ ކާނަލް ރިޓަޔާޑް އަހުމަދު ފަޔާޒް (ޕާޕާ) ވިދާޅުވެއްޖެއެވެ.

ޕާޕާ މިފަދައިން ވިދާޅުވީ، ޕީއެންއެފްގެ އަދާހަމަ ލައިވްގައި ވާހަކަ ދައްކަވަމުންނެވެ.

އެގޮތުން ޕާޕާ ވިދާޅުވީ، ރައީސް ޔާމީންގެ މައްޗަށް ކޮށްފައިވާ ނުހައްގު ހުކުމުގެ ސަބަބުން އެމަނިކުފާނު ވަނީ އަސާސީ ތިން ހައްގަކުން މަހުރޫމްވެފައިކަމަށެވެ.

އެގޮތުން ޕާޕާ ފާހަގަކުރެއްވި ގޮތުގައި އާންމު ފަރުދަތަކަށް ހައްގުވެގެންވާ ތިން އަސާސީ ބޭނުމަކުން މަހުރޫމްވެފައިވާކަމަށެވެ. އަދި ހައްގު ތަކަކީ އިންތިހާބުގައި ބައިވެރިވުން ކަމަށް ވެސް ވަނީ ފާހަގަކުރައްވާފައެވެ.

އެގޮތުން ރައީސް ޔާމީނަށް ވަނީ، ރިޔާސީ އިންތިހާބު، މާލެ ސިޓީ މޭޔަރު އިންތިހާބު އަދި ރައްޔިތުންގެ މަޖިލިސް އިންތިހާބުގައި ބައިވެރިވުމުން މަހުރޫމްވެފައެވެ.

ރައީސް ޔާމީން މިނިވަންވެ ސިޔާސީ މަސައްކަތުގައި އުޅޭ މަންޒަރު ދުށުން އެއީ އެމަނިކުފާނުގެ ސަޕޯޓަރުން އެންމެ އެދޭ އެދުން ކަމަށް ވެސް ގިނަ ަޔަކު އަންނަނީ ފާހަގަކުރަމުންނެވެ.