ށ. ކޮމަންޑޫ ގެއަކަށް ހަތަރު ލައްކަ ރުފިޔާގެ ކަރަންޓް ބިލެއް ފޮނުވުނީ އޮޅުމަކުން ކަމަށް ފެނަކަ ކޯޕަރޭޝަނުން ބުނެފި އެވެ.

ކޮމަންޑޫގެ ގެއަކަށް 412،000ރ. ގެ ބިލެއް ފެނަކައިން ފޮނުވާފައި ޕޯސްޓެއް ސޯޝަލް މީޑިއާގައި މިއަދު ދަނީ ދައުރުވަމުންނެވެ.

އެ ޕޯސްޓްގައިވަނީ އެ ގޭގައި މީހުން ނޫޅޭތާ މިހާރު ދެ މަސް ވެފައިވާ ކަމަށެވެ.

މި ކަމުގެ ތަފުސީލެއް ފެނަކައިން ނުދެ އެވެ. ހަމައެކަނި ވިދާޅުވީ އެއީ "އޮޅުމެއް" ކަމަށެވެ.

މީގެ ކުރިން ވެސް ފެނަކަ އިން ބޮޑު އަގުގައި ކަރަންޓް ބިލް ތައްޔާރުކޮށް ގޭބިސީތަކަށް ފޮނުވާ މައްސަލަތައް ވަނީ ފެންމަތި ވެފަ އެވެ. ކޮންމެ މަހެއް ގައި ސަރުކާރުން ކަރަންޓު ބިލު ބޮޑުކުރާ ކަމަށް ބުނެ ވަރަށް ގިނަ ބަޔަކު ސޯޝަލް މީޑީއާގައި ކަންބޮޑުވުން ފާޅުކުރެ އެވެ.