އުމުރުން 18 އަހަރު ނުފުރޭ ފިރިހެން ކުއްޖަކު ކުޑަ އަންހެންކުއްޖަކަށް ޖިންސީ ގޯނާކުރި ކަމަށް ބުނާ މައްސަލައެއް ފުލުހުން ތަހުގީގު ކުރަން ފަށައިފަ އެވެ.

ފުލުހުން ބުނީ، އެ ކުއްޖާއަށް ޖިންސީ ގޯނާ ކުރި ކަމަށް ތުހުމަތު ކުރެވޭ މައްސަލައެއް މި މަހުގެ 21 ވަނަ ދުވަހު ރިޕޯޓްކޮށްފައިވާ ކަމަށެވެ.

ފުލުހުން ބުނީ އެ މައްސަލަ ލިބިފައިވަނީ ނޯތު ސެންޓްރަލް ޕޮލިސް ރީޖަންއަށް ކަމަށެވެ. އެ ރީޖަންގައި ހިމެނެނީ ކ. އަތޮޅު، އއ. އަތޮޅު، އދ. އަތޮޅު، އަދި ވ. އަތޮޅުގެ ރަށްރަށެވެ.

މި މައްސަލަ ފުލުހުން ތަހުގީގު ކުރަމުންދާ ކަމަށް ބުންޏެވެ.