ބޭންކްތަކަށް ޑޮލަރު މާރު ކުރަން މަޖްބޫރުކޮށް ޑޮލަރު އިތުރުވި ނަމަވެސް އާންމުންނަށް އެ ޑޮލަރު ގަންނަން ނުލިބޭނެ ކަމަށް ރައީސް އަބްދުﷲ ޔާމީން ވިދާޅުވެއްޖެއެވެ.

ރައީސް ޔާމީން މިފަދައިން ވިދާޅުވެފައިވަނީ ބުރާސްފަތި ދުވަހުގެރޭ ބޭއްފި ފްރޮންޓް އޮފީސް ޖަލްސާގައި ވާހަކަފުޅު ދައްކަވަމުންނެވެ.

ފަތުރުވެރިކަމުގެ ޚިދުމަތްދޭ މަތީ ފަންތީގެ ވިޔަފާރިތަކުން، ކޮންމެ ފަތުރުވެރިއަކަށް 500 ޑޮލަރު މާރުކުރަންޖެހެއެވެ. ގެސްޓްހައުސްތަކަށް އަންނަ ކޮންމެ ފަތުރުވެރިއަކަށް 25 ޑޮލަރު މާރުކުރަންޖެހޭ ގޮތަށް އެކުލަވާލި ގަވާއިދުގައި ޖުމުލަ ގޮތެއްގައި ރިޒާވްގެ ދަތިކަމަށް އަލިއަޅުއްވައިލައްވާ ރައީސް ޔާމީން ވިދާޅުވީ، ދަތިކަން އައިސްގެން އުޅެނީ ކަރަދުތައް ސަރުކާރުން މަދު ނުކުރުމާ ޚާއްސަކޮށް ދަތުރުތައް މަދުކޮށް ޑޮލަރު ޚަރަދު މަދު ނުކުރުމުން ކަމަށެވެ. އެގޮތުން ބޭންކްތަކުން ޑޮލަރު ވިއްކާނީ އެ ބޭންކުތަކަށް އެންމެ ފައިދާ ވާނެ ގޮތްތަކަށް ކަމަށްވާއިރު، ބޭންކްތަކުގައި ޑޮލަރު ހުރި ނަމަވެސް އާންމުން ޑޮލަރު ހޯދަން އުޅެންޖެހޭނީ ހާލުގައި ކަމަށް ރައީސް ޔާމީން ވިދާޅުވިއެވެ.

މީގެ އިތުރުން ރައީސް ޔާމީން ވަނީ ރާއްޖޭގައި އިންވެސްޓްކުރާ ބޭރުގެ އިންވެސްޓަރުންނަށް ދެން ޑޮލަރު އެކައުންޓް ވެސް ނުހުޅުވޭނެތޯ ސުވާލު އުފައްދަވާފައެވެ.