ހިތު ހުރިހާ ގޮތަކަށް ރައްޔިތުންނާއި މެދު ކަން ކުރަން ޖަރުމަނުގައި ވެރިކަންކުރި އެޑޮލްފް ހިޓްލަރަށް ވެސް ބާރު ލިބުނެވެ. އަނިޔާވެރިކަން ބޭއިންސާފު އިސްކުރަން އޭނާ ވެސް ބާރުވެރިކަން ހޯދީ ގާނޫނީ އިމުގެ ތެރޭގައެވެ. ޖަރުމަނު ގާނޫނު ހަދާ މަޖިލިސް އޮތީ ހިޓްލަރުގެ މުށުގައިއެވެ. ބޭނުން ކޮންމެ ކަމެއް ކުރީ ގާނޫނު ހަދައިގެންނެވެ. މެންބަރުންނަށް ފައިސާ ބަހައިގެން ނެވެ.

ގާނޫނީ ކޮންމެ ހުރަހެއް މަޖިލިސް ތެރެއިން ނައްތާލާ، ހިޓްލަރަށް ހުރިހާ ބާރެއް ލިބުނު ގޮތަށް މިއަދު މި ރާއްޖޭގައި ވެސް ވެރިމީހާގެ ވިސްނުން އެހުރީ ހިޓްލަރުފަދައިން ނެވެ. 17 މޭ 2021 ގައި މާލޭގެ މޭޔަރުގެ މަގާމު ޑރ. މުއިއްޒަށް ލިބުނެވެ. އޭގެ ދެ އަހަރާއި ހަ މަސް ފަހުން މުއިއްޒު ވަނީ ގައުމުގެ އެންމެ މަތީ ވެރިޔާގެ ގޮތުގައި ހުވާ ކުރައްވާފަ އެވެ.

ރާއްޖޭގެ ރައީސުލްޖުމްހޫރިއްޔާ ކަމުގެ ހުވާކުރެއްވުމަށް ފަހު ދެން ޑރ. މުހައްމަދު މުއިއްޒު ފަރާތުން ފެނަން ފެށީ ހިޓްލަރުގެ "އަމަލު" ތަކެވެ. ފުރަތަމަ މުއިއްޒު އުވާލީ ރައްޔިތުންނާއެކު ވި "ޝޯޝަލް ކޮންޓްރެކްޓް" އެވެ.

ތެދެކެވެ. ހިތު ހުރިހާ ގޮތަކަށް ރައްޔިތުންނާއި މެދު ކަން ކުރަން ޖަރުމަނުގައި ވެރިކަންކުރި އެޑޮލްފް ހިޓްލަރު ވެސް ބާރު ހޯދި އެވެ. މުއިއްޒުގެ ވެރިކަން ވެސް މިއަދު ހަމަ އެފަދަ އެވެ. އަނިޔާވެރިކަން ބޭއިންސާފު އިސްކުރަން ހިޓްލަރު ވެސް ބާރުވެރިކަން ހޯދީ ގާނޫނީ އިމުގެ ތެރޭގަ އެވެ. މުއިއްޒުގެ ވެރިކަން ވެސް މިއަދު ހަމަ އެފަދަ އެވެ. ޖަރުމަނު ގާނޫނު ހަދާ މަޖިލިސް އޮތީ ހިޓްލަރުގެ މުށުގައި އެވެ. މުއިއްޒުގެ ވެރިކަން ވެސް މިއަދު ހަމަ އެފަދަ އެވެ.

ހިޓްލަރު ބޭނުން ކޮންމެ ކަމެއް ކުރީ ގާނޫނު ހަދައިގެންނެވެ. މުއިއްޒުގެ ވެރިކަން ވެސް މިއަދު ހަމަ އެފަދަ އެވެ. ހިޓްލަރު ބާރު ހޯދީ މެންބަރުންނަށް ފައިސާ ބަހައިގެންނެވެ. ރިޝްވަތު ދީގެންނެވެ. މުއިއްޒުގެ ވެރިކަން ވެސް މިއަދު ހަމަ އެފަދައެވެ.

ހިޓްލަރު އަމިއްލައަށް އިސްކުރި އަނިޔާވެރިކަމުގައި ނިކަމެތިކަމާ އެކު މަރުވެގެން ދާންދެން ވެސް އުޅުނީ ވެރިކަމާ ދެކޮޅަށް ބަހެއް ބުނި ކޮންމެ މީހެއްގެ ދުވަސް ސިޔާސީ ގޮތުން ދުއްވާލުމުގައެވެ. މުއިއްޒުގެ ވެރިކަން ވެސް މިއަދު ހަމަ އެފަދައެވެ. އިތުބާރު ކުރެވޭ މީހަކު ހުރި ކަމަކަށް ނުވެ އެވެ. މުއިއްޒުގެ ވެރިކަން ވެސް މިއަދު ހަމަ އެފަދައެވެ.

ކޮންމެ މީހަކީ ވެސް ވެރިކަމަށް ފައި ނަގަން އުޅޭ މީހެއް ކަމުގެ ޝައްކާ އެކު އިންޒާރު ދިނުމާއި ބިރު ދެއްކުން އަދި އަނިޔާވެރިކަން ނޫނީ ހިޓްލަރުގެ ފަރާތަކުން ނުފެނުނެވެ. މުއިއްޒުގެ ވެރިކަން ވެސް މިއަދު ހަމަ އެފަދައެވެ.

ހިޓްލަރުގެ ނާޒީ ފިޔަވައި އެހެން ހުރިހާ ކޯލިޝަން ސިޔާސީ ޕާޓީތަކެއް އުވާލިއެވެ. މުއިއްޒު ވެސް މިއަދު ހަމަ އެފަދަ އެވެ. ހިޓްލަރުގެ ވެރިކަމުގައި ޑިމޮކްރަސީ މަރާލިއެވެ. މުއިއްޒުގެ ވެރިކަން ވެސް މިއަދު ހަމަ އެފަދައެވެ.

އިންތިހާބެއްގައި ހިޓްލަރު ބަލިވާނެ ގޮތެއް ނެތެވެ. އަމިއްލަ ޕާޓީން އެކަނި މަގާމުތަކަށް ވާދަކޮށް "މަޖިލިސް"ގެ ތެރެއިން ވެރިކަން ދެމެހެއްޓުމުގެ ބާރު ހޯދިއެވެ. މުއިއްޒުގެ ވެރިކަން ވެސް މިއަދު ހަމަ އެފަދައެވެ.

ހިޓްލަރުގެ ވެރިކަމުގައި ކޮންމެ މީހަކީ ވެސް ނޭނގި ހުއްޓާ ކުށެއް ކުރެވި ބޮޑު ހުކުމަކާ ކުރިމަތި ވެދާނެ މީހަކަށްވެ ރައްޔިތުން ބޮޑު ބިރުވެރިކަމެއްގެ ތެރެއަށް ދިޔައެވެ. މުއިއްޒުގެ ވެރިކަން ވެސް މިއަދު ހަމަ އެފަދައެވެ.

ސިފައިންގެ ވެރިން ވެސް ވަކިކޮށް ހިޓްލަރު ބޭނުން ބަޔަކު މަގާމުތަކަށް ގެނެސް ހިޓްލަރުގެ ވެރިކަމަށް ނުރައްކާ ކޮށްފާނެ ކަމުގެ ބިރު އޮތް އަސްކަރިއްޔާ ވެސް އޭނާގެ ބާރުގެ ދަށަށް ގެންދިޔައެވެ. މުއިއްޒުގެ ވެރިކަން ވެސް މިއަދު ހަމަ އެފަދަ އެވެ.

މި ހުރިހާ ކަމެއް އަހަރެއްހާ ދުވަހުގެ ތެރޭ ނިންމައި ހިޓްލަރު ހިންދެމިލި އެވެ. މުއިއްޒުގެ ވެރިކަން ވެސް މިއަދު ހަމަ އެފަދަ އެވެ.

ގައުމުގެ ހުރިހާ މުއައްސަސާތަކެއް ހިޓްލަރު ކޮންޓްރޯލްކުރާ ކަމާއި އެކަން ކުރާ ގޮތް ޖަރުމަނު އަދި މުޅި ދުނިޔެއަށް ވެސް އެނގެ އެވެ. އެކަމަކު އެ ވާހަކަ ދައްކަން ކެރޭ މީހުން މަދީ ހިޓްލަރުގެ އަނިޔާވެރިކަމާ ހެދި އެވެ. މުއިއްޒުގެ ވެރިކަން ވެސް މިއަދު ހަމަ އެފަދަ އެވެ.

ޖަރުމަނުގައި ވެރިކަންކުރި އެޑޮލްފް ހިޓްލަރުގެ އަނިޔާވެރިކަމުގެ ވާހަކަ މުޅި ދުނިޔެ ވެސް ދަނެއެވެ. އޭނާގެ ނަމާއި ނިޝާންތަކާއި އިޝާރާތްތައް ވެސް އިންސާނިއްޔަތާ ދެކޮޅު މުޑުދާރު އެއްޗެހީގެ ގޮތުގައި ދުނިޔެއިން މިއަދު ސިފަކުރަނީ ހިޓްލަރުގެ އަނިޔާވެރިކަމުގެ ރަމްޒުތަކަށް ވާތީއެވެ.

ކޮންމެއަކަސް ދުނިޔޭގައި، ތެދުވެރިކަމާއި އަމާނާތްތެރިކަން މަތީގައި، އަދި ހެޔޮ އަމަލު ކުރުމުގައި އޭނާގެ ހަޔާތް ވޭތުކޮށްލާ ހެޔޮލަފާ ސޯލިހު މީހާ އާއި ވައްކަމާއި ފޭރުމާއި މީހުން މެރުން ފަދަ ބޮޑެތި ކުށްތައް ކުރުމުގައި އޭނާގެ ހަޔާތް ވޭތުކޮށްލާ މުޖުރިމާއި ތަފާތެއް ވެއެވެ. ހިޓްލަރަށް ވެސް މަރުވުމުގެ ކުރިން މި ތަފާތު ފަހުމް ވި އެވެ. އާޚިރުގައި ނިކަމެތިވި ވަގުތު އެންމެ އަރިސް މީހުން ވެސް ހިޓްލަރު އަށް ދިނީ ލަނޑެވެ. ދުނިޔެ ދުށް އެންމެ ނުބައި ނުލަފާ މީހުންގެ ލިސްޓުގައި ހިމެނުނީ އެވެ.

އެކަމަކު އޭނާ ވެސް ރައްޔިތުންގެ ތާއީދާ އެކު ވެރިކަމެއް ކުރި ކަމަށް ބުނާނެ އެވެ. މުއިއްޒުގެ ވެރިކަން ވެސް މިއަދު ހަމަ އެފަދަ އެވެ. ޖަނަވާރުގެ ނަމުން މަޝްހޫރު ވެފައިވާ ކޮލަމްބިޔާގެ ލުއީސް ގަރަވީތޯ، ޗައިނާގެ ޔޭން ޒިންގްހައި ރަޝިޔާގެ އަންޑްރެއި ޗިކަޓިލްކޯ އެމެރިކާގެ ޓެޑް ބަންޑީ، އިންޑޮނީޝިޔާގެ އަހުމަދު ސުރާޖީ އަދި އެމެރިކާގެ ރިޗާޑް ކުކްކިލިންސްކީ ފަދަ ގާތިލުން ފަދައިން ނެވެ.

ހިޓްލަރުގެ ތާރީހު ތޯ އެވެ. މުއިއްޒުގެ ވެރިކަން ވެސް މިއަދު ހަމަ އެފަދަ އެވެ. ހަދާނާއި ތާރީހުގެ ތެރެއިން އަޅުގަނޑުގެ އިލްތިމާސް އަކީ މިއީ އެވެ. ރައީސް ޑރ. މުހައްމަދު މުއިއްޒު އެވެ.

ކިބުރުވެރިކަމާއި ބޮޑާކަން ހިތަށް ވެރިވެ، އިންސާނާގެ ހައިސިއްޔަތާއި މަގާމާއި ދަރަޖަ ހަނދާން ނެތި ދިޔަ ނުދޭށެވެ. ވެރިކަމުގެ އާރާއި ބާރަކީ ވަގުތީ ކަންކަމެވެ. ވެރިކަމުގެ ދަރުބާރުގެ ތަހުތުގައި ރައްޔިތުންގެ މައްޗަށް ރަހުމާއި ހަމްދަރުދީ އިސް ނުކޮށްފި ކޮންމެ މީހެއްގެ ނިމުން ވަރަށް ހިތިވާނެކަން ހިޓްލަރުގެ ތާރީހުން ދަލީލުކޮށްދެ އެވެ.

މަގާމެއް ލިބުމަކީ ބޮޑާވެ ކިބުރުވެރިވާންވީ ސަބަބެއް ނޫނެވެ. އިސްލާހު ވާށެވެ. އިސްލާހަށް އެދި ދަންނަވާށެވެ.