2023 ވަނަ އަހަރުގެ އެންމެ މަގްބޫލު ޝަޚުސިއްޔަތަކަށް ރައީސް އަބްދުﷲ ޔާމިން ހޮވިވަޑައިގެންފިއެވެ.

ރާއްޖޭގެ އޮންލައިން ނޫހެއް ކަމަށްވާ ހީރަސްއިން 2023 ވަނަ އަހަރު އެންމެ ފަރާތެއް ހޯދުމަަށް ކުރިއަށް ގެންދިޔަ ޕޯލްއިން ކުރި ހޯދައްވާފައިވަނީ ރައީސް ޔާމީންއެވެ. 2023ގައި އެންމެ މަގުބޫލީ ކޮންބައެއްތޯ ބެލުމަށް ހީރަސްއިން ފަސް އަސާސެއްގެ މައްޗަށް ސާވޭއެއް ކުރިއަށް ގެންދިޔައެވެ އެގޮތުން އެ ފަސް އަސާސްއަކީ މާސް މީޑިއާގެ ސުރުހީތައް، މާސް މީޑިއާގެ ހަބަރުތަކުގެ ތަފްސީލް، ސޯސަލް މީޑިއާގައި ތާއީދު އޮތްގޮތް، ރެންޑަމް ސާވޭގެ މައްޗަށެވެ.

މި އަސާސްތަކުގެ މަތީގައި ކުރެވުނު މަސައްކަތުން 2023 ވަނަ އަހަރު ރާއްޖޭގައި އެންމެ މަގުބޫ ހަތަރު ބޭފުޅަކު ވަނީ ފާހަގަ ކުރެވިފައެވެ. އެގޮތުން ދެ ބޭފުޅަކު ތިން ވަނައަށް އެންމެ މަގުބޫލުކަން ހޯއްދަވާފައިވެއެވެ.

2023 ވަނަ އަހަރު ރާއްޖޭގައި ތިން ވަނައަށް އެންމެ މަގުބޫލު ދެ ބޭފުޅުންނަނީ ކުރީގެ ރައީސް މުހައްމަދު ނަޝީދާއި މިހާރުގެ ރައީސް ޑރ. މުޙައްމަދު މުއިއްޒެވެ.

2023 ވަނަ އަހަރު ރާއްޖޭގައި 2 ވަނައަށް އެންމެ މަގުބޫލު ބޭފުޅަކީ ކުރީގެ ރައީސް އިބްރާހީމް މުހައްމަދު ސޯލިހެވެ.

2023 ވަނަ އަހަރު ރާއްޖޭގައި އެންމެ މަގުބޫލު ބޭފުޅަކީ ރައީސް އަބްދުއްލާ ޔާމީނު އަބްދުލް ގައްޔޫމެވެ.

2023 ގައި ރާއްޖޭގައި އެންމެ މަގުބޫލު ބޭފުޅުންގެ ގޮތުގައި ރައީސް ޔާމީނަށް %32.2 އިން ސައްތަ ލިބިވަޑައިގެންނެވިއިރު ރައީސް ސޯލިހުއަށް ލިބިވަޑައިގެންނެވީ %29.2 އިން ސައްތައެވެ. ރައީސް ނަޝީދުއާ ރައީސް މުއިއްޒުއަށް ލިބިވަޑައިގެންނެވީ %12 އިން ސައްތައެވެ.

ރައީސް ޔާމީންއަކީ ރާއްޖޭގެ ނިމި ދިޔަ އަހަރުގެ އެންމެ މަގްބޫލު ޝަޚުސިއްޔަތުކަމަށް ހީރަސްގެ މި ސާވޭއިން ހާމަވެގެން ދިޔައިރު އެމަނިކުފާނު މި ދިޔަ އަހަރުވެސް ހުންނެވީ ޖަލުގައި ޣައިދުކޮށްފައެވެ. ނަމަވެސް އެމަނިކުފާނުގެ މަގްބޫޅުކަން އެކަމުގެ ސަބަބުންވެސް ކަނޑުވާނުލެވުނުކަން މި ފަދަ ސާވޭތަކުންވެސް ދަނީ ހާމަވަމުންނެވެ.