މޯލްޑިވްސް އިންލަންޑް ރެވެނިއު އޮތޯރިޓީ (މީރާ)ގެ ޑިރެކްޓަރުންގެ ބޯޑަށް މެންބަރަކު އައްޔަންކުރުމަށް ރައީސުލްޖުމްހޫރިއްޔާ ޑރ. މުހައްމަދު މުއިއްޒު ފޮނުއްވާފައިވާ މައްސަލަ ދިރާސާކުރަން ކޮމިޓީއަށް ފޮނުވައިފި އެވެ.
އެ ބޯޑުގައި މިހާރު ތިބި ފަރާތްތަކުގެ ތެރެއިން ފަރާތެއްގެ ދައުރު ހަމަވާތީ އެ މަގާމަށް ކުރިމަތިލާން ހުޅުވާލާފައިވަނީ މިދިޔަ މަހުގެ ތެރޭގަ އެވެ.
ޓެކްސް ނެގުމާ ބެހޭ އިދާރީ ގާނޫނުގައިވާ ގޮތުން މީރާގެ ބޯޑުގައި ހިމެނޭނީ ޓެކްސް ކޮމިޝަނަރާއި ޑެޕިއުޓީ ޓެކްސް ކޮމިޝަނަރު ހިމެނޭހެން ހަތް މެންބަރުންނެވެ. ޑެޕިއުޓީ ޓޭކްސް ކޮމިޝަނަރު އަސްމާ ޝަފީއުގެ ދައުރު ހަމަވުމުން އެ މަގާމަށް އެހެން ފަރާތަކަށް މަޖިލީހުން ވަނީ ރުހުންދީފަ އެވެ. ނަމަވެސް އަދި އެމަގާމަށް އޭނާ ރަސްމީކޮށް އައްޔަން ނުކުރެ އެވެ.
ސަރުކާރުން މަޖިލީހަށް ފޮނުއްވި ސިޓީގައި ވަނީ މީރާގެ ޑިރެކްޓަރުންގެ ބޯޑަށް ކުރިމަތިލުމަށް އާންމުކޮށް އިއުލާނުކުރުމުން އެކަމަށް އިޖާބަ ދެއްވި ބޭފުޅުންގެ ތެރެއިން އެ މަގާމަށް ޝަރުތު ހަމަވާ ބޭފުޅުންގެ ނަންފުޅާއި އެ ބޭފުޅުންގެ މައުލޫމާތު އެ މަގާމުތަކަށް އައްޔަންކުރުމަށް އިސްކަންދޭ ތަރުތީބުން ހުށަހަޅުއްވާފަ އެވެ.
މީރާގެ ބޯޑަށް އައްޔަންކުރުމަށް ހުށަހެޅުއްވި ނަންތައް ތަރުތީބުން
މި މައްސަލަ ދިރާސާކުރަން ފޮނުވާފައިވަނީ މަޖިލީހުގެ އިގުތިސާދީ ކޮމިޓީއަށެވެ. އެ ކޮމެޓީން އާންމުކޮށް އެފަދަ މަގާމުތަކަށް އިންޓަވިއު ކުރަނީ ރައީސް އިސްކަން ދެއްވާފައިވާ ތަރުތީބުންނެވެ.
