ރާއްޖޭގެ ގޭ ބިސީތަކުގެ ކަރަންޓު ބިލު އިހުނަށްވުރެ އިންތިހާ މަތިވާ ސަބަބު ރާއްޖެ ދުށް އެންމެ ވަރުގަދަ އެއް އިކޮނޮމިސްޓު ރައީސް އަބްދުﷲ ޔާމީން ވިދާޅުވެދެއްވައިފިއެވެ.

ރައީސް ޔާމީން މިކަންކަން ރައްޔިތުންނަށް ހާމަކޮށްދެއްވީ މިދިޔަ ބުރާސްފަތި ދުވަހުގެރޭ ޕީއެންއެފްގެ ފްރޮންޓް އޮފީހުގައި ބޭއްވި ޖަލްސާގައި ރައްޔިތުންނަށް ސަރުކާރުން ތެލުން ދެމުން އަންނަ ސަބްސިޑީ ކަނޑާލަން އުޅޭ ކަމުގެ އަޑުތަކެއް ފެތުރިފައިވާތީ އެކަމާ ގުޅިގެން ކަބޮޑުވުން ފާޅުކުރައްވާ ދެއްކެވި ވާހަކަފުޅުގައެވެ.

ރައީސް ޔާމީން ވިދާޅުވީ، ރައްޔިތުން ނިކަމެތި ހާލުގައި ސަރުކާރުން ޖައްސަނަީ ގަސްތުގައި ކަމަށާ އެގޮތުން ކަރަންތޫ ބިލުން ބޮޑުވާތަންވެސް ކުޑަކުރުމުގެ ބާރު އޮތީ ސަރުކާރުގައި ނަމަވެސް ސަރުކާރުން އެ ލުއި ފަސޭހަ ރައްޔިތުން ފޯރުކޮށްދޭން ބޭނުންނުވަނީ ކަމަށް ވިދާޅުވެވިދާނެ ކަމަށެވެ.

އެގޮތުން ކަރަންޓު ބިލު މިހާ ބޮޑުވާން ދިމާވާ އެއް ސަބަބަކީ ކަަރަންޓު ފޯރުކޮށްދިނުމަށް އަންދާ ތެޔޮ، އަގު ބޮޑުކޮށް ސްޓެލްކޯއަށް ލިބުން ކަމަށާ ނަމަވެސް އެ ވާހަކަތަކަކީ ސަރުކާރުގެ ތެރެއިން ނުދައްކާ ހުންނަ ވާހަކަތައް ކަމަށްވެސް ރައީސް ޔާމީން ވިދާޅުވިއެވެ.

ރައީސް ޔާމީން ވިދާޅުވީ، ތެޔޮ ލީޓަރެއް އެސްޓީއޯއަށް ޖެހޭ އަގަކީ 9ރ ކަމަށާއި ނަމަވެސް އެސްޓީއޯ އިން ސްޓެލްކޯއަށް ލީޓަރެއް ވިއްކަނީ 11ރ އަށް ކަމަށެވެ. ނަމަވެސް 9ރ 30ލ އަށް ވިއްކެން އޮތް އިރުގައި 2ރ މާކްއަޕް އަކާއި އެކުގައި ސަރުކާރުން އަންނަނީ ރައްޔިތުން ޓާޝިއަރީ ފެންވަރުގައި ފޭރެމުން ކަމަށް އެމަނިކުފާނު ވަނީ ސިފަކުރައްވާފައެވެ.

ރައީސް ޔާމީން ވިދާޅުވީ ސަރުކާރުގެ ތެރެއިން ކަރަދު ކުޑަނުކޮށް ރައްޔިތުންނަށް ދޭ އިނާޔަތްތަކާ އެހީތައް ކަނޑާލުމަކީ ހައްލެއް ނޫން ކަމަށާ އިގުތިސޯދު ދަށްކޮށް އޮށްވާ ސަބްސިޑީތައް ކަނޑާލުން އެއީ ރައްޔިތުންގެ ރިހޭ ފައި މައްޗަށް ފޮއެ ވެއްޓުން ކަމަށް ވެސް ރައީސް ޔާމީން ވަނީ ވިދާޅުވެފައެވެ.

ރައީސް ޔާމީން މިފަދައިން ވިދާޅުވެފައިވާއިރު، ކަރަންޓު ބިލުތައް އިންތިހާއަށް ބޮޑުވުމަކީ ރައްޔިތުންގެ ނުހަނު ކަންބޮޑުވުން އޮތް މައްސަލައެއް ނަމަވެސް ކަރަންތު ބިލު ބޮޑުވެގެން ރައްޔިތުން ޝަކުވާ ކުރުމުން ސްޓެލްކޯއިން ދޭ އެންމެ އަތްމަތީ ޖަވާބަކީ ކަރަންޓް ބިލު ބޮޑުވަނީ މޫސުމީ ބަދަލުތަކާއި ހެދިކަމަށެވެ.