ޖުޑީޝަލް ސާވިސް ކޮމިޝސް ކޮމިޝަން (ޖޭއެސްސީ) އިން އއ. އުކުޅަހު މެޖިސްޓްރޭޓް ކޯޓުގެ އިސް މެޖިސްޓްރޭޓް އަހުމަދު މުއާވިޔަތު ގާސިމް ސަސްޕެންޑްކޮށްފި އެވެ.

ޖޭއެސްސީން ބުނީ މެޖިސްޓްރޭޓް ސަސްޕެންޑް ކޮށްފައިވަނީ ނޮވެމްބަރު 28 ގައި ކަމަށެވެ. އަދި އެ މެޖިސްޓްރޭޓް ސަސްޕެންޑް ކޮށްފައިވަނީ އޭނާއާ ގުޅޭ މައްސަލައެއްގެ ތަހުގީގު ނިމެންދެން ކަމަށް ވެސް ޖޭއެސްސީން ބުންޏެވެ.

ނަމަވެސް އެއީ ކޮން މައްސަލައެއް ކަމެއް ހާމައެއްނުކުރެ އެވެ. މެޖިސްޓްރޭޓް ސަސްޕެންޑްކޮށްފައިވަނީ މުސާރަ ލިބޭ ގޮތަށްކަން ނުވަތަ ނޫންކަން ޖޭއެސްސީން ހާމަކޮށްފައެއް ނުވެ އެވެ.

ގާސިމް ސަސްޕެންޑް ކުރަން ނިންމީ ތަހުގީގަށް ހުށަހަޅާފައިވާ ހެކިތަކަށް ބެލުމަށް ފަހު ކަމަށާއި މަގާމުގައި ދެމިހުރެއްޖެ ނަމަ މައްސަލަ ތަހުގީގު ކުރުމަށް ހުރަސްތަކެއް އެޅިދާނެ ކަމަށް ބެލުމަށް ފަހު ކަމަށެވެ.

ޖޭއެސްސީން މިހާރު ގެންގުޅޭ ސިޔާސަތަކީ މައްސަލައެއް ފަނޑިޔާރެއްގެ މައްޗަށް ސާބިތުވާ ހާލަތުގައި މެނުވީ ތުހުމަތު ކުރެވޭ މައްސަލައިގެ ތަފުސީލުތައް ހާމަނުކުރުމެވެ.