ހަނދާނަށް އަންނަނީ މިދިޔަ އަހަރުގެ އެޕްރިލު މަސް ހިސާބެވެ. ރާއްޖޭގައި އެންމެ ގަދަވި އެއްޑަކީ ޗާގޯސް އާކިއުޕެލޮޖީ އާ ގުޅުން ހުރި މައްސަލައެއްގެ ވާހަކައިގެ އަޑެވެ.

އެގޮތުން ދިވެހިރާއްޖެއާއި ޗާގޯސް އާކިޕެލާގޯއާ ދެމެދު ކަނޑުގެ އިން ވަކިކުރުމާ ގުޅޭ މައްސަލައިގައި އޭރުގެ ސަރުކާރުން ކަންކުރި ގޮތުން ދިވެހިންގެ ހައްގުތަކެއް، ޚާއްސަކޮށް ދެކުނުގެ މަސްވެރިންގެ ހައްގުތަކެއް ގެއްލި ރާއްޖޭގެ ކަނޑު ސަރަހައްދެއް ގެއްލިގެން ދިޔަ ވާހަކައެވެ.

މައްސަލައިގައި ރާއްޖޭން ވަކާލާތު ކުރި ގޮތަށް، އިންޓަނޭޝަނަލް ޓްރައިބިއުނަލް ފޯ ދަ ލޯ އޮފް ދަ ސީ (އިޓްލޮސް) އިން މައްސަލަ ނިންމީ އެސަރަަހައްދުން ރާއްޖެއަށް ބޮޑު ބައި ލިބޭ ގޮތަށް ނިންމި ކަމަށާ އެއީ ކާމިޔާބީއެއް ކަމަށް އޭރުގެ ސަރުކާރުގެ ވެރިން ހާމަކުރުމުން އެއީ ރައްޔިތުންނަށް އޮޅުވާލުން ކަމަށާ ރާއްޖެއިން އަކަ އިންޗިއެއްވެސް ބޭރުގެ ބަޔަކަށް ދިނުމަކީ ދިވެހިންނަށް ނާކާމިޔާބުވުން ކަމަށް ޕްރޮގްރެސިވް ކޮންގްރެސް ކޯލިޝަންގެ ނަމުގައި އޭރު އޮތް އިދިކޮޅު ކޯލިޝަނުން ވަރު ވަރުން ބަޔާން ނެރެ ބުނަމުން ދިޔައެވެ.

މިއީ ގައުމީ މައްސަލައެއް ކަމަށާއި މިކަމުގައި ހަރަކާތްތެރިވާ އެންމެހާ ފަރާތްތަކާ ގުޅިގެން ކުރިއަށް ދިއުމަށް ރައީސް ޔާމީންގެ ލަފާފުޅާ އެކު ނިންމާފައިވާނެ ކަމަށް މިހާރުގެ މަސްވެރި ވަޒީރު އޭރު ވިދާޅުވެފައިވެސް ވެއެވެ.

ޗާގޯސް މައްސަލަ ނިންމާފައިއ އެވަނީ ގާނޫނާ ހިލާފަށް، ސިއްރުން ކަމަށްވެސް އޭރު ޗާގޯސް ކޯލީޝަން އިންވެސް ބުނެފައިވެއެވެ. އެގޮތުން މޮރިޝަސްގެ ބޮޑު ވަޒީރަށް ޢޭރުގެ ވެރިން ސިޓިއެއް ފޮނުވާ ޗާގޯސް މޮރިޝަސްއަށް "ވިއްކާލީ" ކަމަށް ބުނެ ސިޓީއެއްގެ ވާހަކަވެސް ނިކަން ހަރު އަޑުން ބުނަމުން ދިޔައެވެ.

މޮރިޝަސްއަށް ޗާގޯސް ކުރީ ސަރުކާރުން ސިއްރު ސިޓީއަކުން، އެތައް މިލިއަން ޑޮލަރަށް ވިއްކާލީކަމަށާ އެއީ ގައުމަށް ޣައްދާރުވުން ކަމަށް އޭރު އިދިކޮޅުގައި ތިބެ އެންމެ ވަރުގަދައަށް ހަޅެއް ފަޅޭއް ޖެހި މީހުންނަކީ މިއަދުގެ ވެރިންނެވެ.

ތިމަންނާ މެންގެ ވެރިކަމެއްގައި ސިޓީވެސް ހާމަކުރާނެ ކަމަށާ ގެއްލުނު ކަނޑުގެ ބައި ވެސް އަނބުރާ، ސަރުކާރުގެ ފުރަތަމަ ސަތޭކަ ދުވަހުގެ ތެރޭގައި ހޯދާން ކަމަށް ބުނެ ބައިސާ ކެނޑި މީހުންނަކީ ދެވަނަ އެހެން ބައެއް ނޫނެވެ. އަދުގެ ވެރިންނެވެ.

ނަމަވެސް ސަރުކާރުގެ ފުރަތަމަ ސަތޭކަ ކީއްކުރަން 300 ދުވަސް ވެގެން ދިޔައިރުވެސް ޗާގޯސްގެ މައްސަލަ އިޓްލޮސްގައި އިސްތިއުނާފުވެސް ކޮށްނުލާ ތިބެފައި އިނގިރޭސި ސަރުކާރުން ޗާގޯސްގެ ރަށްތަކަކީ މޮރިޝަސްގެ ސިޔާދަތުގެ ތެރޭގައި ހިމެނޭ ބައެއް ކަމަށް ބަލައިގަނެ އެ ރަށްތައް މޮރިޝަސްއަށް ހަވާލުކުރަން ނިންމުމުން ދެން ނުކުމެ ބުނީ އިނގިރޭސީން ކަންކުރި ގޮތުން ޗާގޯސް ހޯދަން އުނދަގޫ ވެގެން އުޅެނީ ކަމަށެވެ.

ކަމެއް ނުކޮށް ތިބެފައި ނުކުމެ މަސް ނުބޭނުނީމާ ކަނޑު ގޯސްކުރީއެވެ. އެއަށްފަހު އަނެއްކާވެސް، ރައްޔިތުން ލޮލުގައި އަނދުން އަޅަވން މޮޅު މި ސަރުކާރުން އާޓޫ ދައްކާ ކުޅުނީ ފިލްމެކެވެ. އެގޮތުން ޗާގޯސް މައްސަލައިގައި ސިޓީއެއް ފޮނުވިކަމަށް ސަރުކާރަށް އަހަރު ފުރިގެން ބޭއްވި އެއްވުމުުގައި ރައީސް މީހާ ވިދާޅުވިއެވެ. އެ ސިޓީ އަކީ ކޮންއިރަކޔ ކޯީއްޗެއް ލިޔެ ފޮނުވި ސިޓީއެއްކަން ނޭނގެއެވެ. އެނގޭހާ ވެސް އެއްޗަކީ ސިޓީ ފޮނުވިވާހަކަ ރައީސް މީހާ އަމިއްލަ ދޫފުޅުން ވިދާޅުވމުން އެ ސިޓީގެ ތަފްސީލު ހޯދަން، ނަުން "ހާމަކަން ބޮޑު ސަރުކާރު" އެދުމުން އެކަމަށް ދެކޮޅު ހެދިކަމެވެ.

ފޯޅަވަހީގެ ސިޔާދަތީ ބާރު ރާއްޖެއަށް ލިބުން މާ ހައްގު ކަމަށް ވިދާޅުވެ، އިނގިރޭސިވިލާތުގެ ސަރުކާރަށް ރައީސް ޑރ. މުހައްމަދު މުއިއްޒު ފޮނުއްވި ކަމަށް ބުނާ ސިޓީ، މައުލޫމާތު ހޯދާ ލިބިގަތުމުގެ ގާނޫނުގެ ތެރެއިން ހޯދަން ހުށަހެޅުމުން، މައުލޫމާތު ހޯދައި ލިބިގަތުމުގެ ހައްގުގެ ގާނޫނުގެ 31 ވަނަ މާއްދާއާ ހަވާލާދީ ވަނީ އެ މައުލޫމާތު ސިއްރުކޮށްފައެވެ. ސަރުކާރުގެ ސިޔާސަތު އެކުލަވާލުމަށް ހުރަސް އެޅިދާނެ ހާލަތެއްގައި މައުލޫމާތު ސިއްރުކުރުމުގެ ބާރު ލިބިދޭތީއެވެ.

އެއާއެކު ގިނަ ބަޔަކު ވަނީ، ހާމަކަންބޮޑު ކަމަށް ދައުވާ ކުރާ މި ސަރުކާރަކީ ސިއްރު ދައުލަތެއްގެ ގޮތުގައި ސިފަކޮށްފައެވެ. އެގޮތުން އެއީ އާންމުންގެ މަސްލަހަތު ބޮޑު މައްސަލައެއްކަމަށްވީ ނަމަވެސް ކުރިން ބުނި ހުރިހާ އެއްޗެއް ކެންސަލްވެފައިވާއިރު އިނގިރޭސި ރަސްގެފާނަށް ދިވެހީންގެ "ކައްޒާބު" ކަމަށް ފުލުހުން ހާމަކޮށްދިން ފަރާތުން ފޮނުވި ސިޓީ "ސިއްރު"ގެ ސިއްކަ ޖަހާ ސިޓީ އުރަ ބަންދުކުރި ގޮތަށް ދެން ހުޅުވާވެސް ނުދިނީއެވެ.

ނަމަވެސް މިއީ ކުރީ ސަރުކާރުން ފޮނުވި ސިޓީ ބާތިލުކުރާނެ ކަމަށް ވައުދުވީބައެކެވެ.