މިރޭ ހުޅުމާލެ ސެންޓްރަލް ޕާކުގައި ހަވާ އަރުވަން ހަމަޖެހިފައިވާ ކަމަށް މޯލްޑިވްސް ނޭޝަނަލް ޑިފެންސް ފޯސް (އެމްއެންޑީއެފް) އިން ހާމަކޮށްފިއެވެ.
އެމްއެންޑީއެފް އިން އެކްސްގައި ކުރި ޕޯސްޓެއްގައި ބުނީ، ހުޅުމާލެ ސެންޓްރަލް ޕާކުގައި މިރޭ 20:30 ގައި ހަވާ އެރުވުމަށް ހަމަޖެހިފައިވާ ކަމަށެވެ.
އަދި މި ހަރަކާތަކީ ވިޔަފާރި އުސޫލުން ޕްރައިވެޓް އިވެންޓަކަށް ސިފައިންގެ ކޯޕަރޭޓިވް (ސިފްކޯ) އިން ކުރިޔަށް ގެންދާ ހަރަކާތެއް ކަމަށެވެ.
މި ހަވާ އެރުމުން ކުރިޔަށް ގެންދާނީ 2 މިނެޓަށް ކަމަށްވެސް އެމްއެންޑީއެފް އިން ބުނެފައިވެ އެވެ.
މިއީ މި މަހުގެ 11-13 ވަނަ ދުވަހާއި ހަމައަށް ބާއްވާ ސައިބާ އެކްސްޕޯ ހުޅުވުމުގެ ރަސްމިއްޔާތާއި ގުޅިގެން ކުރިއަށް ގެންދާ ހަރަކާތެއްކަމަށް މައުލޫމާތު ލިބިފައިވެއެވެ.
