ފުލުހެއްގެ ގޮތުގައި 18 އަހަރު ހިދުމަތްކޮށްފައިވާ ޒުވާނަކު ރޭގެ ވަގުތެއްގައި ކުއްލި ގޮތަކަށް ނިޔާވެއްޖެ އެވެ.

ގުރައިދޫ ޕޮލިސްޓޭޝަންގައި މަސައްކަތްކުރަމުންދަނިކޮށް ނިޔާވެފައިވަނީ ސަރޖަންޓް ފާތިމަތު ރިފާއެވެ. ފާތިމަތު ރިފާ ނިޔާވެފައިވަނީ ރޭގެ ވަގުތެއްގައިކަމަށް ފުލުހުންގެ ތަރުޖަމާނު އަހުމަދު ޝިފާން ވިދާޅުވި އެވެ.

ފުން ހިތާމައިގެ މި ދަނޑިވަޅުގައި، ހުރިހާ ފުލުހުންނާއި ފުލުހުންގެ މުއައްސަސާގައި މަސައްކަތްކުރާ މުވައްޒަފުންގެ ނަމުގައި މަރުހޫމާގެ އާއިލާއަށް ތައުޒިޔާ ރައްދުކުރާ ކަމަށް ޝިފާންގެ ޓްވީޓުގައި ވެއެވެ.

މީގެ ކުރިން ވެސް ފުލުހުން ކުއްލި ގޮތަކަށް ނިޔާވުމުގެ ހާދިސާތައް ހިނގާފައި ވެއެވެ. އަދި ފުލުހުންގެ ޓްރެއިނިންގެ ތެރެއިން ވެސް މީގެ ކުރިން އޮފިސަރުން ނިޔާވެފައި ވެއެވެ.