ކާނިވާ ސަރަހައްދުގައި އެމްޑީޕީން ބޭއްވި ޖަލްސާގައި "ތީ ބަހުލޫލެކޭ" ލަވަ ކީ ދުވާފަރު ކައުންސިލް މެންބަރު މަރިޔަމް ޔަޝްފާ ޕޮލިހަށް ހާޒިރު ވާން އަންގައިފި އެވެ.
އާންމުންނަށް ޔަޝްފާ މަޝްހޫރުވީ އެމްޑީޕީން މިދިޔަ ހަފުތާގައި ބޭއްވި، "ގާނޫނު އަސާސީގެ ދިފާއުގައި ރައްޔިތުން" ޖަލްސާގައި ކީ ލަވަޔަކާއެކުގަަ އެވެ.
އޭނަ ކީ ލަވައޮގައި "ތިއީ ބަހުލޫލެކޭ، ތިއީ ޝައިތާނެކޭ، މަށާ ކައިރި ނުވާށޭ، މަށާ ކައިރި ނުވާށޭ" ފަދަ އިބާރާތްތައް ހިމެނެ އެވެ. ރީތި ރާގަކަށް ޔަޝްފާ ހުށަހެޅި "ތިއީ ބަހުލޫލެކޭ، ތިއީ ޝައިތާނެކޭ، މަށާ ކައިރި ނުވާށޭ، މަށާ ކައިރި ނުވާށޭ" ލަވަ ވަރަށް ބޮޑަށް ވައިރަލް ވެގެންދިޔަ އެވެ.
ޔަޝްފާ މިއަދު މީޑިއާތަކަށް ދެއްވި އިންޓަވިއުގައި ވިދާޅުވީ އޭނާ ފުލުހަށް ހާޒިރުވުމަށް ފުރަތަމަ ގުޅީ ދުވާފަރު ފުލުހުން ކަމަށެވެ. އޭނާ މާލޭގައި ހުރުމުން ފަހުން ސީދާ ހެޑްކުއާޓަރުން ގުޅައި ފުލުހަށް ހާޒިރުވުމަށް އެންގި ކަމަށް އޭނާ ވިދާޅުވި އެވެ. އަދި އޭނާ ފުލުހަށް ހާޒިރު ކުރަނީ ޖަލްސާގައި ދެއްކި ވާހަކައަކާ ގުޅިގެން ކުރެވޭ ތުހުމަތެއްގައި ކަމަށް ގުލުހުން ބުނި ކަމަށެވެ.
މި ފަހުން ވެސް އެމްޑީޕީގެ ސޯޝަލް މީޑިއާ އެކްޓިވިސްޓު ހުސައިން ޝާފިއު ވަނީ އޭނާ ކުރި ޓްވީޓަކާ ގުޅިގެން ފުލުހަށް ހާޒިރުކޮށްފައެވެ.
