ނިޔާވެފައި އޮއްވާ ކ. ގުރައިދޫއިން ފެނުނު ތުއްތު ކުއްޖާގެ ހަށިގަޑު ވަޅުލައިފިއެވެ.
އުމުރުން އެންމެ ހަތަރު މަހުގެ އެ ކުއްޖާ ވަޅުލައިފައި ވަނީ މިއަދުގެ އަސްރު ނަމާދަށްފަހު ހުޅުމާލޭ ސަހަރާގައެވެ. އެ ކުއްޖާގެ ހަށިގަޑު ވަޅުލީ އޮޓޮޕްސީ ހަދަން އިންޑިއާއަށް ހަށިގަޑު ގެންދިއުމަށް ފަހު މާލެ ގެނެސްއެވެ.
ކުއްޖާ ނިޔާވީ މިމަހުގެ 13 ވީ ހުކުރު ދުވަހުގެ ދަންވަރުގެ ވަގުތެއްގައެވެ. އޮޓޮޕްސީ ހެދުމަށް ތުއްތު ކުއްޖާގެ ހަށިގަނޑު ރާއްޖެއިން ބޭރަށް ފޮނުވީ އޭގެ ފަސް ދުވަސްފަހުންއެވެ.
ގުރައިދޫގައި ނިޔާވި އެ ކުއްޖާގެ ހަށިގަނޑު އޮޓޮޕްސީ ހެދުމަށްޓަކައި ފޮނުވަން ނިންމީ މަރުގައި ޝައްކުކުުރެވޭ ކަންތައްތަކެއް ހުރުމުން ކަމަށް ފުލުހުން ބުނެފައިވެއެވެ.
ނިޔާވެފައި އޮތް އިރު ތުއްތުކުއްޖާގެ ނޭފަތުން ލޭ އައިސްފައި ވާކަމަށް މައުލޫމާތު ލިބިފައި ކުރިން ވެއެވެ. ކުއްޖާ ނިޔާވެފައި އޮއްވާ ފެނުނީ ކުއްޖާގެ އާއިލާ ދިރިއުޅެމުން ދިޔަ ގެއިންނެވެ.
