ކުޑަކުއްޖަކާ ޖިންސީ ގުޅުން ހިންގި މީހެއްގެ މައްޗަށް ދައުލަތުން އުފުލި ތިން ދައުވާއެއްގެ ތެރެއިން ދެ ދައުވާ ސާބިތުވެ ޖުމްލަ 25 އަހަރުގެ ޖަލު ހުކުމެއް އިއްވައިފި އެވެ.
މިމައްސަލައިގައި ޑިސެންބަރު 17، 2020 ގައި ދައުލަތުން ދައުވާކުރީ ނަސްރުﷲ ފާއިޒު ކިޔާ މީހަކަށެވެ.
މިއީ ކުޑަކުދިންގެ މަސްލަހަތު ހިމެނޭ މައްސަލައަކަށްވާތީ ދައުވާ ލިބުނު މީހާގެ އިތުރު އެއްވެސް މައުލޫމާތެއް އަދި މިއަމަލު ހިންގި އެއްވެސް ތަނެއްގެ މައުލޫމާތުވެސް ކޯޓުން ހާމަކޮށްފައެއް ނުވެ އެވެ.
މި މައްސަލާގައި ނަސްރުﷲ ފާއިޒުގެ މައްޗަށް އުފުލާފައިވާ ދައުވާތަކަކީ:
މި ތިން ދައުވާގެ ތެރެއިން ދެ ދައުވާ ވަނީ ސާބިތުވެފަ އެވެ. އޭނާގެ މައްޗަށް ސާބިތު ނުވީ އޮރިޔާންކާޑު ގެންގުޅުގެ ކުށުގެ ދައުވާ އެވެ.
އޭނާގެ މައްޗަށް ސާބިތުވީ ޖިންސީ ނިޔަތެއް އޮވެގެން ކުޑަކުއްޖެއްގެ ހަށިގަނޑުގައި އަތްލުމުގެ ކުށުގެ ދައުވާގައި ކޯޓުން ހުކުމް ކުރީ 15 އަހަރަށް ޖަލަށް ލުމަށެވެ. ސާބިތުވި އަނެއް ދައުވާ ކަމަށްވާ ކުޑަކުއްޖަކު އިތުބާރުކުރަންޖެހޭ މަގާމެއްގައި ހުރި މީހަކު، އެ ކުޑަކުއްޖާއާއެކު ޖިންސީ އަމަލެއް ހިންގުމުގެ ކުށުގެ ދައުވާގައި އިއްވީ 10 އަހަރުގެ ޖަލު ހުކުމެކެވެ.
2020 ގައި ކުރިމިނަލް ކޯޓަށް ހުށަހެޅި މި މައްސަލަ ހަތަރު އަހަރު ފަހުން ނިންމައި ހުކުމްކޮށްފައިވަނީ ޑިސެންބަރު 30 ވަނަ ދުވަހު އެވެ.
