އަލްހިޖްރަ ޓްރެވަލް އެންޑް ޓުއާސް ގްރޫޕްގެ ދަށުން އުމްރާގެ އަޅުކަމަށް ދަތުރުކުރި ފަރާތްތަކަށް އިހުމާލުވެފައިވާތީ އެ ގްރޫޕާއި ދެކޮޅަށް ވަރުގަދަ ފިޔަަވަޅުތަކެއް އިސްލާމީ ކަންތައްތަކާއި ބެހޭ ވުޒާރާއިން އަޅައިފިއެވެ.
މި ގްރޫޕްގެ ފަރާތުން 2024 ޑިސެމްބަރު އުމްރާ ދަތުރުގައި ދިއުމަށް ހަމަޖެހިފައިވާ އުމްރާވެރިންނަށް ދަތުރަށް ފައިސާ ދައްކާފައިވީ ނަމަވެސް އެ ފައިސާއިން އުމްރާވެރިންގެ ދެކޮޅު ޓިކެޓް ހަމަނުޖައްސާ އެ ފައިސާ ކުންފުނީގެ އެހެނިހެން ބޭނުމަށް ބޭނުންކޮށްފައިވާ ކަމަށް އިއުތިރާފު ވެފައިވެ އެވެ.
މިހެންކަމުން، އުމްރާވެރިން ރާއްޖެ ނާދެވިގެން މިނިސްޓްރީ އޮފް އިސްލާމިކް އެފެއާޒްގެ އެހީތެރިކަމަށް ވަނީ އެދިފައެވެ. މިއާއިއެކު ހާލުގައި ޖެހިފައި ތިބި 23 އުމްރާވެރިން ވަނީ 09 ޖެނުއަރީ 2025 ވަނަ ދުވަހު މިނިސްޓްރީގެ އިރުޝާދުގެ ދަށުން ހައްޖު ކޯޕަރޭޝަންގެ ބެލުމުގެ ދަށަށް ގެންގޮސްފަ އެވެ.
މިގޮތުން، އަލްހިޖްރާ ގްރޫޕުން ރާއްޖެއިން އުމްރާއަށް މީހުން ގެންދިޔުމާބެހޭ އުސޫލާއި ހިލާފުވެފައިވާތީ ފިޔަވަޅުތަކެއް އެޅުމަށް ނިންމާފައި ވެއެވެ. އެގޮތުން;
އެ މިނިސްޓްރީން ވިދާޅުވީ، މި ފިޔަވަޅުތައް ތަންފީޒުކުރުމަށް ޓަކައި މެ ވުޒާރާއިން އިދާރީ ގޮތުންނާއި ގާނޫނީ ގޮތުން ކުރަން ޖެހޭ ހުރިހާ ކަންކަން ފަސްޖެހުމެއް ނެތި ކުރާނެކަމުގެ ޔަގީންކަން އަރުވާ ކަމަށެވެ.
