މޫސުން ގޯސްވާނެ ކަމަށް ލަފާކޮށް މީމު އަތޮޅުން ފެށިގެން އައްޑޫ ސިޓީ ހަމައަށް ހުދު ސަމާލު ނެރެފި އެވެ.

މޯލްޑިވްސް މިޓިއޮރޮލޮޖިކަލް ސާވިސަސް މެޓް އޮފީހުން މި ސަރަހައްދަށް ހުދު ސަމާލު ނެރެފައިވަނީ މިއަދު މެންދުުރު 13:00 އިން ފެށިގެން 19:00 އާއި ހަމައަށެވެ.

މީގެ އިތުރުން، ބޯކޮށް ވާރޭ ވެހި ގުގުރާނެ ކަމަށް މެޓުން ވަނީ ލަފާކޮށްފައެވެ. އަދި ވިލާގަނޑުގައި ގަޑިއަކު 40 މޭލަށް ވައި ގަދަވާނެކަމަށް ލަފާކުރާކަމަށްވެސް މެޓު އޮފީހުން ހާމަކުރި އެވެ.

މި ދުވަސްވަރަކީ ރާއްޖޭގެ ހުރިހާ ސަރަހައްދަކަށްވެސް މޫސުން ގޯސް ދުވަސްވަރެއްކަމުން ރައްކާތެރި ފިޔަވަޅުތައް އެޅުމަށް ކަމާއި ބެހޭ ފަރާތްތަކުން އިލްތިމާސްކޮށްފައިވެ އެވެ.