މި ސަރުކާރުން ކުރާ ބޮޑެތި ވައްކަމުގައި ތިބީ ރައީސް ޑރ. މުއިއްޒުގެ އަރިސް މީހުން ކަމަށްރާއްޖޭގެ ކުރީގެ ނައިބު ރައީސް، ޑރ މުހައްމަދު ޖަމީލު އަހުމަދު ވިދާޅުވެއްޖެ އެވެ.
ޖަމީލް ކުރެއްވި ޓްވީޓެއްގައި ވިދާޅުވީ މިއަދު މުޅިދިނިޔެ ސިއްސައިގެން މިދިޔައީ ކެލިފޯނިއާގެ ހިތާމަވެރި އަލިފާނުގެ ހާދިސާއިން ކަމަށާއި ދުނިޔެއަކީ ކުޑަވަގުތު ކޮޅެއްގެ ތެރޭގައި މިގޮތަށް ބަދަލުވެދާނެ އެއްޗެއް ކަމަށެވެ.
އަދި ވިދާޅުވީ 2023 ގައި މުއިއްޒު ވެރިކަމަށް އައީ ވަރަށް ގިނަ ވައުދުތައް ވެ ރައީސް ޔާމީނުގެ ހުސްގޮނޑި ވިއްކައިގެން ކަމަށެވެ. ނަމަވެސް ވެރިކަމުގެ ލައްޒަތު ލިބުމާއިއެކު މުޅިވާހަކަ ބަދަލުވީ ކަމަށެވެ.
2024 ގެ 50 ބިލިއަން ބަޖެޓް ހުސްކޮށްލީ ރައްޔިތަކަށް އެއްވެސް ކަމެއްކޮށް ނުދީ. އެކަމަކު ބޮޑާވެ މުޅި ވާހަކަ ބަދަލުކޮށް ދޮގު ހަދަނީ. ސަރުކާރުން ބޮޑަތި ވައްކަންކުރުމުގައި ތިބީ މުއިއްޒުގެ އަރިސް މީހުން.
ޑރ. ޖަމީލު
ޑރ، ޖަމީލު އިތުރަށް ވިދާޅުވީ މިހުރިހާކަމެއް ކުރާއިރު، ވެސް ރައްޔިތަކަށް ގާނޫނަކަށް ފަރުވާލެެއް ނެތް ކަމަށާއި ބާރު އޮތުމުން ބޮޑާކަން ދައްކާ، މުނާފިގު ކަމާ ދޮގު މައްޗަށް ދޮހެދުން އިތުރު ވެއްޖެ ކަމަށެވެ.
އަދި ވިދާޅުވީ އެކަމަކު ދުނިޔެ ބަދަލުވާން ނަގަނީ ފަޅި ސިކުންތެއް ކަމަށާއި މުއިއްޒު ރައީސް ޔާމީނަށް ދޯކާ ދިނީ ބާރުގެ ވެރިފަރާތްކަމަށް ހީކޮށް ކަމަށެވެ.
ނަމަވެސް މިއަދު މުއިއްޒަކީ ކައްޒާބަށްވެ، ރައްޔިތުންގެ ނަފްރަތު އޮތީ ބަންޑުންވެފައި ކަމަށާއި އެއީވެސް ކޯފާއެއް ކަމަށެވެ.
