20 ވަނަ ރައްޔިތުންގެ މަޖިލީހުގެ އިންތިހާބު ރޯދައިގެ ފަހުގެ ތާރީހެއްގައި ބާއްވަން ޖެހިއްޖެނަމަ، ރީރަޖިސްޓަރީ ކުރުމަށް އިތުުރު ފުރުސަތެއް ދޭނެ ކަމަށް އިލެކްޝަންސް ކޮމިޝަން (އީސީ)ން ބުނެފިއެވެ.

މަޖިލީސް އިންތިހާބު މިއަހަރުގެ ރޯދަމަސް ނިމިގެން 10 ދުވަސް ފަހުން ބޭއްވުމަށް އެ މައްސަލަ ދިރާސާ ކުރި ރައްޔިތުންގެ މަޖިލީހުގެ ވަގުތީ ކޮމިޓީން ވަނީ ފާސްކޮށްފައެވެ.

އެ ސަބަބާހުރެ، މަޖިލީހުން މި މައްސަަލަ ފާސްވެ، އިންތިހާބު ރޯދައިގެ ފަހަށް ބާއްވަން މުޅި މަޖިލީހުން ފަސްވާނެ ކަަމަށް ގިނަ ފަރާތްތަކުން ބުނެއެވެ.

އީސީގެ ނައިބް ރައީސް އިސްމާއިލް ހަބީބް ވިދާޅުވީ، މަޖިލީހުގެ އިންތިހާބުގައި، ރީރަޖިސްޓަރީ ކުރަން އެ ކޮމިޝަނުން ދިން ހަތް ދުވަހުގެ މުއްދަތުގެ ތެރޭގައި ރީރަޖިސްޓަރީ ކުރުމަށް 13،378 މީހުން ހުށަހަޅާފައިވާ ކަމަށެވެ.

އަދި އޭގެތެރެއިން 11،919 މީހުން ރީރަޖިސްޓަރީ ކޮށްދެވިފައިވާއިރު، 1،459 ހުށަހެޅުމެއް ބަލައިނުގަނެވޭ ކަމަށް ވިދާޅުވިއެވެ.

އޭނާ ވިދާޅުވީ، ރާއްޖޭން ބޭރުގައި ވޯޓުލުމަށް ރީ-ރަޖިސްޓަރީ ކުރުމަށް ކަނޑައަޅާފައިވާ އަދަދު ހަމަވެފައިވަނީ ހަމައެކަނި މެލޭޝިޔާ އާއި ސްރީލަންކާގައި ކަމަށެެވެ.‏

މަޖިލީސް އިންތިހާބު މިހާރު ބާއްވާނެ ކަމަަށް ކަނޑައަޅާފައި ވަނީ މާރިޗް 17 ގައެވެ.

މި އިންތިހާބުގައި މަޖިލިހުގެ 93 ދާއިރާއަކަށް ވާދަކުރުމުގެ ފުރުސަތު ވަނީ ހުޅުވާލާފައެވެ.