މީހަކު ރަހީނުކޮށް ފޭރުނު މައްސަލައެއްގައި ދެމީހަކު ފުލުހުން ހައްޔަރުކޮށްފިއެވެ.

މިމައްސަލައިގައި ފުލުހުން ހައްޔަރުކޮށްފައިވަނީ އުމުރުން 35 އަހަރުގެ މީހަކާއި، 45 އަހަރުގެ މީހެކެވެ.

މި ދެމީހުންގެ ބަންދަށްވެސް ކްރިމިނަލް ކޯޓުން ވަނީ 10 ދުވަސް ޖަހާފައެވެ.

މި ދެ މީހުންގެ މައްޗަށްވެސް ކޮށްފައިވަނީ ހުއްދަ ނޫން ގޮތުގައި މީހުން ހިފެހެއްޓުމާއި، ބިރުދެއްކުމާއި، ފޭރުމުގެ ތުހުމަތުކަމަށް ފުލުހުން މައުލޫމާތުދީފައިވެއެވެ.

މިމައްސަލައިގައި ނެރުނު ކޯޓު އަމުރުގައިވާ ގޮތުން އެދެ މީހުންގެ މައްޗަށް ތުހުމަތުކުރެވޭ ކުށް ކުރިކަމަށް ބެލެވޭ ހެކި ފުލުހުން ވަނީ ހުށަހަޅައިފައެވެ.