ހުޅުމާލޭ ދެވަނަ ފިޔަވަހީގެ ރީތިގަސްމަގު ބްރިޖް ކައިރީ ބަހައްޓާފައި ހުރި ޓްރާންސްފޯމަރަކުން މީހަކު ވައްކަން ކުރަނިކޮށް، އެތަނަށް ދިޔަ ސްޓެލްކޯގެ މުވައްޒަފަކު އެކަން ހުއްޓުވަން އުޅުމުން އެ މުވައްޒަފަށް ހަމަލާދިން މީހާ ފުލުހުންގެ ބެލުމުގެ ދަށަށް ގެންދިޔަ މީހާގެ ވަނަވަރު ފުލުހުން މިއަދު އާންމުކޮށްފި އެވެ.

ހުޅުމާލޭ ދެވަނަ ފިޔަވަހީގެ ރީތިގަސްމަގު ބްރިޖް ކައިރީ ހުރި ސްޓެލްކޯގެ ޓްރާންސްފޯމަރަކަށް ގެއްލުންދީ ވައްކަން ކުރަން އުޅެނިކޮށް ސްޓެލްކޯގެ މުވައްޒަފުންތަކެއް ގޮސްއިން ހިފެހެއްޓީ ރޭގެ ވަގުތެއްގަ އެވެ.

މި މައްސަލައާ ގުޅިގެން ފުލުހުންގެ ބެލުމުގެ ދަށަށް ގެންގޮސްފައި ވަނީ ށ. ބިލެއްފަހި ޗަބޭލީގެ އިބްރާހީމް ޛާލިފް (37އ) އެވެ.

މި މީހާ ފުލުހުންގެ ބެލުމުގެ ދަށަށް ގެންގޮސްފައި ވަނީ ރޭ 21:43 ހާއިރުކަމަށް ފުލުހުން ވަނީ މައުލޫމާތު ދީފަ އެވެ.

ފުލުހުން ބުނީ އެ މައްސަލަ ތަހުގީގު ކުރަމުންދާ ކަމަށެވެ.