އިންޑިއާ އައުޓު ކެމްޕެއިނަކީ ރައީސް އަބްދުﷲ ޔާމީންގެ އެއްޗެއް ކަމަށާ އެކަމުގައި މި ސަރުކާރުގެ ވެރިންގެ ގޮތުގައި ތިބި ބޭފުޅުންގެ ދައުރެއް ނެތް ކަމަށް ބުނެ ދައްކަމުން ދާ ވާހަކަތަކަކީ ވަރަށް ދަށު ދަރަޖައިގެ ކަމެއްގެ ގޮތުގައި ކެންދޫ ދާއިރާގެ ކުރީގެ މަޖިލިސް މެމްބަރު އަލްއުސްތާޛު އަލީ ހުސެއިން ސިފަކުރައްވައިފިއެވެ.

"ޗެނަލް13" އިން ގެނެސްދޭ "ނިއުސް ޓޯކު" ޕްރޮގްރާމުގައި ރިޔާސީ އިންތިހާބުގެ ތެރޭގައި އަދުގެ ސަރުކާރުގެ ވެރިން އެންމެ ގިނައިން ބޭނުން ކުރި ޓެކްނިކު ކަމަށްވާ އިންޑިއާ އައުޓު ކެމްޕެއިންގެ ޒިކުރު އައުކުރައްވާ އަލީ ވިދާޅުވީ، އިންޑިއާ އައުޓު ޖަހަގެން ވެރިކަމަށް އައުމަށް ފަހުން އެއީ ތިމަންނާމެންގެ ފިލޯސަފީ ނޫން ކަމަށް ބުނެ ދައްކަމުން ދަނީ ވަރަށްވެސް ޣައިރު ޒިންމާދާރު ދަށު ދަރަޖައިގެ ވާހަކަތަކެއް ކަމަށެވެ.

އަލީ ވިދާޅުވީ، މީހަކު ބުނިއްޔާ ބުނާހާ ގޮތެއް ހަދާނެކަން ހާމަވެފައިވާ މީހަކަށް ގައުމުގެ ވެރިކަން ހަވާލުކޮށްގެން ތިބެން ވެސް ނުވާނެ ކަމަށެވެ.