ރައީސް މުހައްމަދު މުއިއްޒުގެ ސަރުކާރުގެ ބަރަކާތް އޮތީ ކެނޑިފައިކަމަށް ޕީއެންއެފްގެ އިސް ސަފުގައި މަސައްކަތްކުރައްވާ މުހައްމަދު އަހުމަދު ވަހީދު (ވައްޑެ) ވިދާޅުވެއްޖެއެވެ.

އާދިއްތަ ދުވަހުގެރޭ ފްރޮންޓު އޮފީހުގައި އޮތް ޕީއެންއެފްގެ ޖަލްސާގައި ވާހަކަ ދައްކަވަމުން ވައްޑެ ވިދާޅުވީ ސަމޯއާ އެގްރިމަންޓުގައި ސޮއިކޮށް ދީނާ ޚިލާފު ކަންކަމަށް ސައްތައިން ސައްތަ މި އިސްލާމީ ގައުމުގައި ޖާގަ ހޯދާ ދެމުން ދާ ކަމަށެވެ.

ވައްޑެ ވިދާޅުވީ، ދޮން މީހުން އުޅޭ ގޮތަށް އުޅެވެން ވާނެ ކަމަށް ކުރީގެ ރައީސް މުހައްމަދު ނަޝީދު ވިދާޅުވެފައިވާއިރު ރައީސް މުއިއްޒުއާ ރައީސް ނަޝީދުގެ ތަފާތަކީ ރައީސް މުއިއްޒު އެ ވާހަކަ ދޫފުޅުން ވިދާޅުނުވެ ދޮން މީހުން އުޅޭ ގޮތަށް ދިވެހިން އުޅުވަން މަސައްކަތްޕުޅު ކުރައްވުން ކަމަށެވެ.

ވައްޑެ އިތުރަށް ވިދާޅުވީ، ރައީސް މުއިއްޒުގެ ހިތް ނިޔަތާ އަމަލާ ދިމާނުވާ ކަމަށެވެ.

ވައްޑެ ވިދާޅުވީ، މިއަދު ގައުމުން ފެންނަމުން ދަނީ މޮޔައެއްގެ އަތަށް ކަނޑިއެއް ދިނުމުން ވާނެ ގޮތް ކަމަށެވެ.