ޕީއެންސީގެ ސަރުކާރުގެ ކިއްސަރު އޮންނާނީ އިންތިގާލީ މަރުހަލާގައި ޑިރެކްޓަރަށް އައްޔަންކުރެއްވި އަބްދުއްރަހީމު އަބްދުﷲ ކިއްސަރު ކުރި ގޮތަކަށް ކަމަށް މަޖިލީހުގެ ކެންދޫ ދާއިރާގެ ކުރީގެ މެމްބަރު އަލީ ހުސެއިން ވިދާޅުވެއްޖެއެއެވެ.

އަލީ މިފަދައިން ވިދާޅުވީ، ސިޔާސީ މަސްރަހަށް ނަޒަރު ހިންގާލާ "ޗެނަލް13" އިން ގެެނސްދޭ "ނިއުސް ޓޯކު" ޕްރޮގްރާމުގައި ވާހަކަ ދައްކަވަމުންނެވެ.

އަލި ވިދާޅުވީ، މި ސަރުކާރުގެ ހަގީގަތުގައި އޮއްްޓަރެއް ނެތް ކަމަށާ އޭގެ އަސްލަކީ ސަރުކާރުގެ ބިންގާ އެޅުނު ގޮތް ކަމަށެވެ.

އެގޮތުން އިންތިގާލީ މަރުހަލާގައި ސަރުކާރު އެކުލަވާލުމަށް ހިންގި އޮފީހުގެ ޑިރެކްޓާރ ޖެނެރަލްއަކަށް އަބްދުއްރަހީމު އައްޔަން ކުރައްވާ ރައީސް މުހައްމަދު މުއިއްޒު އެޅުއްވީ ޅަ އެއްޗެއް ކަމަށާ ނަމަވެސް މިއަދު މި ސަރުކާރުގެ ކަންކަން ބައްޓަން ވެގެންދާނީ އެ ދުވަހު އަބްދުއްރަހީމު ސަރުކާރުގެ ކަންކަމަށް އިސްކޮށް ކިއްސަރު ކުރި ކަންކަމުގެ ތަރުތީބުން އެ މަގުން ކަމަށެވެ.

އެހެންކަމުން ކޮރަޕްޝަންގެ ކަންކަން ކުރިއަށް މިހާރު ސަރުކާރުގެ ތެރެއިން މެކުހަސް ޖަހާފައިވާވުމަށް ވެސް އަލީ ނަޒަރު ހިންގަވާލެއްވިއެވެ.

އަލީ އިތުރަށް ވިދާޅުވީ، މި ދައުލަތުގެ ކަންކަން ހިނގަމުން ދަނީ 21 ވަނަ ގަރުނުގައި ހިނގަން ޖެހޭ އުސޫލުން ނޫން ކަމަށެވެ.