ރާއްޖެއަށް މިހާރު ކުރަމުންދާ ވިއްސާރަ ހޮނިހިރު ދުވަހުން ފެށިގެން އަލިވާނެ ކަމަށް މޫސުމާ ބެހޭ ގައުމީ އިދާރާއިން ހާމަކޮށްފިއެވެ.
މެޓުން ހާމަކުރާ ގޮތުގައި ހޮނިހިރު ދުވަހުގެ ފަހުން ރާއްޖޭގެ ބޮޑު ހިސާބަކަށް މޫސުން ރަނގަޅުވާނެ ކަމަށާ ނަމަވެސް ކުރިއަށް އޮތް 24 ގަޑިއިރު އުތުރާއި މެދު ރާއްޖެތެރޭގެ ރަށްތަކަށް ވިއްސާރަކުރާނެ ކަމަށާއި ބައެއް ރަށްތަކަށް ބޯކޮށް ވާރޭވެހޭނެ ކަމަށެވެ. ދެކުނަށް ވެސް ކެރީގެ އަސަރުކުރާނެ ކަމަށެވެ.
ވިލާގަނޑުގައި ގަޑިއަކު 13 މޭލާއި 23 މޭލާ ދެމެދުގެ ބާރުމިނެއްގައި އުތުރާއި މެދު ރާއްޖެތެރެއަށް ވައިގަދަވާނެ ކަމަށާއި ދެކުނުގެ އަތޮޅުތަކަށް 18 މޭލަށް ވައިގަދަވާނެ ކަމަށް މެޓުން ވަނީ ލަފާކޮށްފައެވެ. އަދި، ވިލާގަނޑުގައި 40 މޭލަށް ވައިގަދަވާނެ ކަމަށް ވެސް ވަނީ ލަފާކޮށްފައެވެ.
މެޓް އޮފީހުން ބުނީ، ހޮނިހިރުގެ ފަހުން މޫސުން މަޑުމަޑުން ރަނގަޅުވާން ފަށާނެ ކަމަށް ލަފާކުރެވޭ ކަމަށެވެ. އެހާތަނަށް ކަނޑުތައް ވެސް މަޑުވާން ފަށާނެ ކަމަށް މެޓް އޮފީހުން ވަނީ ލަފާކޮށްފައެވެ.
މިހާރު ކުރަމުންދާ ވިއްސާރައަކީ ބޭ ޮފް ބެންގާލުގައި އުފެދިފައިވާ ކޮޅި ގަނޑެއްގެ އަސަރުކަމަށް މެޓު އޮފީހުން ކުރިން ލަފާކޮށްފައިވެއެވެ.
