ހައްގު ގެއްލިފައިވަނީ ދައުލަތުން ނޫން ކަމާއި ގެއްލުނީ ރައީސް އަބްދުﷲ ޔާމީން އަބްދުލްގައްޔޫމްގެ ހައްގުތައްކަމަށް އަލްއުސްތާޒް އާދަމް އާސިފް ވިދާޅުވެއްޖެއެވެ.
އާސިފް މިފަދައިން ވިދާޅުވެފައިވަނީ ރައީސް ޔާމީން ފްރޭމުކޮށް ކުރިއަށް ގެންދާ ވ އާރަށް މައްސަލަ އާއި ގުޅިގެން ޗެނަލް13 އިން ގެނެސްދިން ސިޔާސީ ދައުވާ ކަވަރޭޖުގައި ވާހަކަ ދައްކަވަމުންނެވެ.
ވ. އާރަށް މައްސަލަ އަލުން ބެލުމުގައި އެމަނިކުފާނާ ދެކޮޅަށް ދައުލަތުން ހުށަހެޅި އައު ހެކިތައް ބަލައިގަނެވޭނެ ކަމަށް ކަނޑައަޅަން ދައުލަތުން ސުޕްރީމް ކޯޓަށް ހުށަހެޅި މައްސަލައިގެ އަޑު އެހުމެއްވަނީ މިއަދު ކުރިއަށް ގެންގޮސްފައެވެ. އަދި މި އަޑުއެހުމުގައި ދައުލަތުގެ ގިނަ ހައްގުތަކެއް ގެއްލުނުކަން ވަކީލު އަހުމަދު ޝަފީއު ވަނީ ފާހަގަ ކުރައްވާފައެވެ.
އެކަމާއި ގުޅޭ ގޮތުން އާސިފްވަނީ ގިނަ ސުވާލުތަކެއް އުފައްވާފައެވެ. އެގޮތުން ނުހައްގުން އެތައް ދުވަހެއް ޖަލުގައި އޮންނެވީ ރައީސް ޔާމީން ކަމާއި އެމަނިކުފާނަށް އިންތިހާބުގައި ވާދަ ނުކުރެވުމުގެ ސަބަބުން ރައީސަށްވުމުގެ ހައްގުވެސް ގެއްލުނީކަމަށް ވިދާޅުވިއެވެ.
އަޅުގަނޑު ހިތާމަ ކުރަން. ލަދުވެތިވަން. ބޮޑު ދައުލަތަކުން އަރާ މި ދައްކަނީ އަމިއްލަ ފަރުދެއްގެ ވާހަކަ. ގެއްލިފައި އޮތް ހައްގުތަކުގެ ވާހަކަ އަޅުގަނޑުމެން މި ދައްކަނީ. ދައުލަތުން ބުނީ ތިމަންނަމެންގެ އެތަކެއް ހައްގެއް ގެެއްލިގެންދާކަމަށް. އެއީ ކޮން ހައްގުތަކެއްބާއޭ އަޅުގަނޑު ހިތަށް އަރަނީ.
އާސިފް
މިއަދު ދައުލަތުން ކުރީ ގާނޫނީ ބަހުސެއް ނޫންކަމާއި އެމަނިކުފާނުގެ އުއްމީދާއި ދުއާ އަކީ ރައީސް ޔާމީނަށް ސުޕްރީމް ކޯޓުން އިންސާފު ލިބުންކަމަށްވެސް އާސިފްގެ ވާހަކައިންވަނީ ފާހަގަ ކުރައްވާފައެވެ.
