ކުރީގެ ރައީސް އިބުރާހިމް މުހައްމަދު ސޯލިހުގެ ރަނިންގ މޭޓަކަށް ވާން ރައީސުލްޖުމްހޫރިއްޔާ ޑރ.މުހައްމަދު މުއިއްޒު މަސައްކަތް ކުރެއްވި ކަން ކުރީގެ ކޮމިޝަނާ އޮފް ޕޮލިސް އަދި ރައީސް ޔާމިންގެ ޕާޓީ އެުފެއްދުމުގައި އިސްކޮށް ހަރަކާތްތެރިވާ ހުސައިން ވަހީދު ހާމަކުރައްވައިފިއެވެ.

ހުސައިން މިފަދައިން ވިދާޅުވީ، ރައީސް ޔާމީންގެ ޕާޓީ، ޕީޕަލްސް ނެޝަނަލް ފްރަންޓް (ޕީއެންއެފް) އިން ބޭއްވި ޖަލްސާއެއްގައި ވާހަކަ ދައްކަވަމުންނެވެ.

އެގޮތުން ހުސައިން ވަހީދު ވިދާޅުވީ ރައީސް މުއިއްޒު ރައީސް އިބުރާހިމްގެ ރަނިންގް މޭޓަކަށް ވުމަށް އެތައް މަސައްކަތެއް ކުރިކަން ކަށަވަރުވެފައިވާ ކަމަށެވެ.

ހުސައިން އިތުރަށް ވިދާޅުވީ މި ސަބަބާއި ހުރެ ރައީސް މުއިއްޒަށް، ރައީސް އިބުރާހިމްގެ އެއްވެސް މައްސަލައެއް ނުބަލާނެ ކަމަށެވެ.

މީގެ ކުރިންވެސް، ރައީސް މުއިއްޒަކީ ވެރިކަމުގެ ދަހިވެތިކަމުގައި އުޅުއްވި ބޭފުޅެއް ކަމަށް ބުނެ ތުހުމަތު ތަކެއް ކުރައްވާފައިވާކަން ފާހަގަކޮށްލެވެއެވެ.