ހިއުމަން ރައިޓްސް ކޮމިޝަނުގެ ނައިބު ރައީސްގެ މަގާމަށް، މުއުމިނާ ވަހީދު މިއަދު އައްޔަންކުރައްވައިފި އެވެ.
އެޗްއާރްސީއެމްގެ މެންބަރުކަމަށް މުއުމިނާ އައްޔަންކުރެއްވީ 2020 ވަނަ އަހަރުގެ ސެޕްޓެމްބަރު މަހުގެ އަށް ވަނަ ދުވަހެވެ.
އެޗްއާރުސީއެމްގެ ނައިބު ރައީސްގެ މަގާމަށް މުއުމިނާ އައްޔަންކުރެއްވުމަށް ރައްޔިތުންގެ މަޖިލީހުން ފާސް ކުރީ މީގެ ހަ ދުވަސް ކުރިންނެވެ.
މުއުމިނާ ވަހީދަކީ މާސްޓަރސް އޮފް ހިއުމަން ރައިޓްސް އެންޑް ޑިމޮކްރެޓައިޒޭޝަން އޭޝިއާ ޕެސިފިކް ހާސިލުކުރައްވާފައިވާ ބޭފުޅެކެވެ. މި ސަނަދު އޭނާ ހާސިލުކުރައްވާފައިވަނީ އޮސްޓްރޭލިޔާގެ ޔުނިވަރސިޓީ އޮފް ސިޑްނީ އިންނެވެ.
އެޗްއާރުސީއެމްގެ ނައިބު ރައީސްގެ މަގާމަށް މުއުމިނާ އައްޔަން ކުރައްވާފައިވަނީ އެ މަގާމުގައި ހުންނެވި ޑރ. އަހްމަދު އަދުހަމް އަބްދުﷲ އިސްތިއުފާ ދެެއްވުމާ ގުޅިގެންނެވެ.
އެޗްއާރުސީއެމްގެ މެންބަރުކަމުގެ ދައުރަކީ 5 އަހަރު ދުވަހެވެ.
