މީޑިއާ ބައްދަލުކޮށް ރައްޔިތުންނަށް މައުލޫމާތު ރައީސް މުހައްމަދު މުއިއްޒު ނުދެއްވާތާ އަހަރަކަށް ވުރެ ގިނަ ދުވަސްވުމުން ޕީޕަލްސް ނޭޝަނަލް ފްރަންޓްގެ ސެކްރެޓަރީ ޖެނެރަލް މުހައްމަދު މަލީހު ޖަމާލް ކަންބޮޑުވުން ފާޅު ކުރައްވާފި އެވެ.
މަލީހު ކަންބޮޑުވުން ފާޅުކޮށްފައިވަނީ ޕީއެންއެފް ފްރަންޓް އޮފީސް ޖަލްސާގައި ވާހަކަ ދައްކަވަމުންނެވެ.
އެގޮތުން ރާއްޖޭގެ ގާނޫނޫ އަސާސީން މައުލޫމާތު ހޯދާ ލިބިގަތުމުގެ މިނިވަންކަމާއި ނޫސްވެރިކަމުގެ މިނިވަންކަމާއި ހިޔާލުފާޅު ކުރުމުގެ ހައްގު ކަށަވަރުކޮށްދީފައިވާ އިރު ރައްޔިތުން މަޖިލީހުގެ ނައިބު ރައީސް އަހުމަދު ނާޒިމް މީޑިއާތަކާއި ސޯޝަލް މީޑިއާ އެޕްލިކޭޝަންތައް ރެގިއުލޭޓު ކުރައްވާނެކަމަށް ވިދާޅުވީ މީޑިއާ ކޮންޓްރޯލް ކުރުމަށްކަމަށް މަލީހުވަނީ ވިދާޅުވެފަ އެވެ.
މުއިއްޒު އެއް އަހަރު ވީ އިރު މީޑިއާތަކާއި ބައްދަލުކޮށް ރައްޔިތުންނަށް މައުލޫމާތު ހާމަކޮށްފައެއް ނުވޭ. މި ސަރުކާރުން ރައްޔިތުންނަށް މި ދަނީ މައުލޫމާތު ފޮރުވަމުން.
މަލީހު
އެއާއިއެކު ނޭޝަނަލް ސޯޝަލް ޕްރޮޓެކްޝަން އޭޖެންސީ އެންސްޕާއިން މުއިއްޒުގެ ޓީވީކަމުގައިވާ އެމްއެމްޓީވީ ހިންގުމަށް މިލިއަނުން ރުފިޔާދިންކަން ފާހަގަކޮށް އެކަމާއި ގުޅިގެންވެސް މަލީހުވަނީ ކަންބޮޑުވުން ފާޅު ކުރައްވާފަ އެވެ.
މަލީހު މިފަދައިން ވިދާޅުވެފައިވާ އިރު ނާޒިމްވަނީ ސަންއަށް ދިން އިންޓަވިއުއެއްގައި ސޯޝަލް މީޑިއާ އާއި މީޑިއާތައް ރެގިއުލޭޓް ކުރާނެކަމަށް ވިދާޅުވެ އުނބު ޓާން ނަންގަވާ އެކަމާއި ގުޅިގެން ބަޔާނެއް ނެރިފައިވާކަން ފާހަގަކޮށްލެވެއެވެ.
އެގޮތުން މަންސަތައް ރެގިއުލޭޓްކުރުމަކީ މުހިންމު ކަމެއްކަމަށް ހުރިހާ އެންމެން ވެސް އެއްބާސްވާނެކަމަށާއި، އެއީ އެއްވެސް މިންވަރަކަށް އެ ފަދަ މަންސަތައް ބްލޮކްކޮށް ނުވަަތަ މީޑިއާގެ މިނިވަންކަން ނިގުޅައި ނުގަންނާނެކަމަށް އެ ބަޔާނުގައިވެ އެވެ.
