ދިވެހިރާއްޖޭގައި ވަޒީރުން ގިނަ ނަމަވސް އޭގެއިން ފައިސާ ނުކުރާ ސަބަބާ މެދު ރައްޔިތުން އުފައްދާ ސުވާލަށް ރައިސް އަބްދުﷲ ޔާމީން ޖަވާބެއް އަރުއްވައިފިއެވެ.
ޕީއެންއެފްގެ ޖަލްސާއެއްގައި ވާހަކަފުޅު ދައްކަވަމުން ރައީސް ޔާމީން ވަނީ، ސްރީލަންކާ ވެސް ރާއްޖެއަށް ވުރެ ރަގަޅަށް މިހާރު ވެރިކަން ކުރާ ކަމަށް ރައްޔިތުން ދައްކަމުންދާ ވާހަކައަށް އިޝާރާތްކުރައްވާފައެވެ.
އެގޮތުން ރައީސް ޔާމީން ވިދާޅުވީ ލަންކާގެ ކެބިނެޓުގައި ވަޒީރުން މަދު ނަމަވެސް އެ ވަޒީރުންނަކީ ގާބިލު ބައެއް ކަމަށާ އެ ވަޒީރުންނަށް އެ ވަޒީރުން ބޭނުންވާ މެންޑޭޓުގެ ތެރެއިން މަސައްކަތްކުރުމުގެ ފުރުސަތު އޮންނަ ކަމަށެވެ. ނަމަވެސް ރައީސް މުއިއްޒުގެ ކެބިނެޓުގައި ތިއްބަވަނީ ރައީސް މުއިއްޒު އެޅުއްވިހާ ބަތަކަށް ރިހަ އަޅަން ޖެހޭ ވަޒީރުންނަށް ވުމުން ވަޒީރުންގެ ގާބިލުކަމުގެ ފައިދާވެސް ނުނެގޭ ކަމަށެވެ.
މިތާ ވަޒީރުން ގިނަވުމުން ވަނީ ކޮންކަމެއް ހެއްޔޭ. މިތާ ވަޒީރުން ގިނަވިޔަސް އެމީހުންގެ މެންޑޭޓު އެއޮތީ މުޅިން ސަފޮކޭޓުކޮށް ޗޯކުކޮށްލާފައި ނޫންތޯ. އެބުނަނީ ނޫންތޯ ތިމަންނަ ބުނާ ގޮތަކަށް ތިމަންނަ ބުނާހާ ކަމެއް ކުރާ ބަޔަކު ނޫނީ ނުލައްވާނަމޭ.
ރައީސް ޔާމީން
ރައީސް ޔާމީން ވިދާޅުވީ ރައީސް މުއިއްޒުއަށް ހިތަކަށް ވެރިކަމެއް ލިބުމުން ވެސް ގައުމު ހިނގުމުގެ ބަދަލުގައި ބައްލަވަނީ އަމިއްލަ މަންފާއަށް ކަމަށެވެ.
