ރައީސް އަބްދުﷲ ޔާމީން އަބްދުލްގައްޔޫމު ފްރޭމުކޮށް ވ އާރަށުގެ މައްސަލައިގައި މައްސަލަތައް ބަލާ ދައުޥާ އުފުލާފައިވާއިރު، މަޖިލިސް ރައީސް އަބްދުއްރަހީމު އަބްދުﷲ އަށް ދޫކުރި ފަޅު ރަށްތަކުގެ މައްސަަލައިގައި ރައީސް މުހައްމަދު މުއިއްޒުގެ މައްޗަށް ވެސް ދައުވާ އުފުލެންވާނެ ކަމަށް ކުރީގެ ނައިބު ރައީސް ޑރ މުހައްމަދު ޖަމީލު އަހުމަދު ވިދާޅުވެއްޖެއެވެ.
ޑރ ޖަމީލު މިފަދައިން ވިދާޅުވީ، ޕީއެންއެފްގެ ޖަލްސާގައި ވާހަކަ ދައްކަވަމުންނެވެ.
ޑރ ޖަމީލު ވިދާޅުވީ، އަބްދުއްރަހީމަށް ތިން ފަޅު ރަށެއް ލާމު އަތޮޅުން ދޫކޮށްފައިވާއިރު، އެ ތިން ރަށްވެސް މިހާރު އިންވެސްޓަރުން ހޯދައިގެން ކުޑަ ކުލީގައި ހިންގަމުންދާ ކަމަށެވެ. ނަމަވެސް އެއިން ކަމެއް ޕީޖީގެ ސަމާލުކަމަށް އައިސްފައިނުވާތީ އެކަމަށް ޑރ ޖަމީލު ވަނީ ފާޑު ވިދާޅުވެފައެވެ.
އަބްދުއްރަހީމަށް ތިން ފަޅު ރަށް އެ އޮތީ ދީފައި. ކުލި އޮތީ ކުޑަކޮށް. ވ އާރަށުގެ މައްސަލައިގައި ރައީސް ޔާމީނަށް ދައުވާކުރަންޏާ ހަމަ އެ ބީދައިން ރައީސް މުއިއްޒަށްވެސް އެ ދައުވާ ކުރެވެން ވާނެ. ޕީޖީ އައްބާސްއަށް މިކަމެއް ނުފެނޭ. ނަމަވެސް ރައީސް ޔާމީންގެ މައްސަލަތައް އަލުން އެބަ ބަލާ
ޑރ ޖަމީލު
ޑރ ޖަމީލު ވަނީ ސަރުކާރު ތެރޭގައި މިހާރު ޖެހިގެން އުޅޭ ހުރިހާ މައްސަލައެއް ޖެހިގެން އުޅެނީ މިފަދަ ވައްކަންތަކުން ރައީސް މުއިއްޒަށް ބައި ނޭޅޭތީ ކަމަށެވެ.
