ވެރިކަން ކުރާ ޕީޕަލްސް ނެޝަނަލް ކޮންގްރެސް (ޕީއެންސީ)އިން ކުރި ވައްކަމުގައި ފިޔަވަޅު ނޭޅޭނަމަ އިލެކްޝަން ކޮމިޝަން (އީސީ)ގެ މެމްބަރުން އިސްތިއުފާ ދޭން ޖެހޭނެ ކަމަށް މަޝްހޫރު ގާނޫނީ ވަކީލު އަލްއުސްތާޛު އަލީ ޝާހު ވިދާޅުވެއްޖެއެވެ.

ޝާހު މިފަދައިން ވިދާޅުވެފައިވަނީ ބުރާސްފަތި ދުވަހުގެރޭ ބޭއްވި ޕީއެންއެފް ޖަލްސާގައި ވާހަކަ ދައްކަވަމުންނެވެ.

ޝާހު ވަނީ ޕީއެންސީއަށް ވަގަށް މެމްބަރުން ވެއްދީ ބޮޑު ވައްކަމެއް ކޮށްގެން ކަމާ ދައުލަތުގެ ފައިސާއިން ވައްކަންކޮށްފައިވާ ކަމަށްވެސް ވިދާޅުވެފައެވެ. ޝާހު ވިދާޅުވީ އެ ބޮޑު ވައްކަމުގެ ޒިންމާ ޕީއެންސީގެ ވެރިންގެ އިތުރުން އީސީގެ މެމްބަރުންވެސް އުފުލަން ވާނެ ކަމަށާ އެހެން އެކަން ނުވާނަމަ މެމްބަރުކަމުން ހުރިހާ މެމްބަރުން އިސްތިއުފާ ދީ ގެއަށް ވަޑައިގަންނަވަން ޖެހޭނެ ކަމަށްވެސް ޝާހު ވަނީ ވިދާޅުވެފައެވެ.

ޝާހު އިތުރަށް ވިދާޅުވީ، ޕީއެންސީއަށް މެމްބަރުން ވައްދާފައިވަނީ ބޮޑު ތަނުންވައްކަން ކޮށްފި ކަމަށެވެ.