ދިވެހިރާއްޖޭގެ ފުލުހުންގެ އިދާރާއަކި މިއަދު ނިކަމެތި ރައްޔިތުންނަށް ނާއުއްމީދީ ތަނަކަށްވެފައިވާ ކަމަށް ކުރީގެ ނައިބު ރައީސް ޑރ މުހައްމަދު ޖަމީލު އަހުމަދު ވިދާޅުވެއްޖެއެވެ.

ޑރ ޖަމީލު މިފަދައިން ވިދާޅުވެފައިވަނީ ޕީއެންސީއަށް ވަގަށް މެމްބަރުން ވެއްދި މައްސަލަގައި ޖިނާއީ ތަހުގީގެއް ނުހިންގާ ފުލުހުން މަޑުން ތިބޭތީ އެކަމަށް އިޝާރާތްކުރައްވާ. ޕީއެންއެފްގެ ޖަލްސާގައި ވާހަކަފުޅު ދައްކަވަމުންނެވެ.

ޑރ ޖަމީލު ވިދާޅުވީ، ރައްޔިތުންތަކެއްގެ ޒާތީ މައުލުމާތުން ވައްކަންކުރިކަމުގެ ފުރިހަމަ ހެކި ހުރެމެ ވަކި ބަޔަކާ މެދު މައްސަލަ ހިންގަން ސަރުކާރަށާ ފުލުހުންނަށް ނުކެރިގެން ނުވާނެ ކަމަށާ އޭގެ ސަބަބުން ރައްޔިތުންތަކެއްގެ ހައްގު ގެއްލި އިންސާފު ގެއްލިގެން ދާ ކަމަށެވެ.

ޑރ ޖަމީލު ވަނީ ސަރުކާރު ތެރޭގައި މިހާރު ޖެހިގެން އުޅޭ ހުރިހާ މައްސަލައެއް ޖެހިގެން އުޅެނީ މިފަދަ ވައްކަންތަކުން ރައީސް މުއިއްޒަށް ބައި ނޭޅޭތީ ކަމަށެވެ.