ކޮންމެ ފަސް މިނެޓަކުން ވައްކަމެއް ނޫނީ މަރާމީއެއް! / ތޭރަގްރެފިކްސް
ރިޕޯޓު
ކޮންމެ ފަސް މިނެޓަކުން ވައްކަމެއް ނޫނީ މަރާމީއެއް!
Mariyam Isaadha
މަރިޔަމް އިސާދާ
05 ފެބްރުއަރީ 2025
މާލެ ސިޓީ

މިދިޔަ ސެޕްޓެމްބަރު މަހު ދިވެހި ފުލުހުންގެ ހިދުމަތުގެ ފަރާތުން ކޮމިޝަނަރު އޮފް ޕޮލިސް އަލީ ޝުޖާއު ވިދާޅުވީ ކޮންމެ ފަސް މިނެޓަކުން ފުލުހަކާ ބައްދަލުވާނެކަމަށެވެ.

އެއާއެކު މާލެއަކީ އަމާން ތަނަކަށްވާނެކަމުގެ ޔަގީންކަންވެސް ދެއްވިއެވެ. ނަމަވެސް އޭގެ ފަހުންވެސް ފުލުހުން މަގުމަތިން ނުފެންނަކަމަށް އާންމު ބުނަމުން ދިޔައެވެ. އަދި ދޮގު ހެދުމުގައި ކުޅަދާނަ މި ސަރުކަރުން ރައްޔިތުންނަށް އޮޅުވާލަމުންދާ ކަމަށް ބުނެ ގިނަ ބަޔަކު ނުރުހުންވެސް އޭރު ފާޅުކުރަމުން ދިޔައެވެ.

އޭގެ 4 މަސް ފަހެވެ. ގައުމުގެ އެކި ހިސާބުތަކުގައި ވައްކަމާ މާރާމާރީ އާ ހަމަނުޖެހުންތައް ގިނވެގެން ގޮސްފައިވާކަމުގެ އަޑު ވަނީ ގުގުމާފައެވެ. މަސްތުވާތަކެއްތި ބޭނުންކޮށްގެން ތިބެ އެއްބަޔަކު މާރާމާރީ ހިންގާއިރު އަނެއް ބަޔަކު ގެންދަނީ ފިހާރަތައް ފަޅަމުން ވައްކަން ކުރަމުންނެވެ. އެއް ބަޔަކު މަސައްކަތްކުރާ މާޙައުލުގައި މާރާމާރީ ހިންގާ މީހުން ޒަޚަމުކުރަމުން ދާއިރު އަނެއް ބަޔަކު މަގުތަކުގެ އަމުނު ނަގާލާ މާރާމާރީ ހިންގަނީއެވެ. މީގައި ދޭސީއެއް ބިދޭސީ އެއް ތަފާތެއް ނެތެވެ.

މާސިންގާ ވައްކަންތަކުން ފެށިގެން ގޮސް އެކްސިޑެންޓްތައް ވެސް ދަނީ އިންތިހާއަށް އިތުރުވަމުންނެވެ. މަގުތައް މަތީގައި ދުއްވާ އެއްޗެއްހި ދުއްވަނީ އެމީހަކު ހިތުހުރި ގޮތަކަށެވެ. ހިނގާމީހުން މަގުމެދުން ހިނގުމާ ދުއްވާ މީހުން ދުވާރުމަތިން ދުއްވުންވެސް މިއަދު ވަނީ އާންމު އުސޫލަކަށްވެފައެވެ.

މާރާމާރީގެ ބިރުވެރިކަމާ އެކު މުޅި މާލެ ބިރުވެރިކަމަށް ހުށަހެޅިގެން ދިޔަ ދުވަހަކަށް 4 ފެބްރުއަރީ 2025 ވާނެއެވެ. މެންދުރުގެ އިރު މެދު ޖެހުނީ މާރާމާރީއަކުންނެވެ. މާފަންނުގައި ހުންނަ ކެފޭއެއްގެ ދެ މުވައްޒަފެއްގެ ދެމެދުގައި ހިނގި މި މާރާމާރީގައި އެކަކަށް ތޫނު އެއްޗަކުން ހަމަލާދީ ޒަޚަމްކޮސްލިއެވެ. ޒަޚަމްތައް ލިބުނު މީހާ އޮތީ އައިސީޔޫގައި ސީރިއަސް ހާލަތުގައެވެ.

އޭގެ ފަހުން ހަވީރުގެ އިރު އޮއްސެމުން ފިޔަ ވަގުތު ކަނބާ އައިސަ ރަނި ހިގުމުގައި އައިޖީއެމްއެޗާ ދިމާއިން މަރާމާރީއެކެވެ. ސައިކަލެއްގައި އައި ދެ މީހަކު މަގު މަތީ ހުއްޓި މީހަކަށް ހަމަލާދީ ޒަޚަމްކޮށްލީ މަރުތޭލަކުން ޖަހައެވެ. އަނިޔާވި މީހާއަށް އައިޖީއެމްއެޗްގައި ފަރުވާ ދެނީއެވެ.

އިރުއޮއްސި ދެ ނަމާގު ދޭތެރެއަށް ވަގުތު ފެތެމުން ދިޔަ ވަގުތު އަނެއްކާވެސް ހަމަނުޖެހުމެކެވެ. ޝަހިދު އަލީ ހިނގުމާ މުރަނގަ މަގު ގުޅުނު ކަންމަތީގައި އަޑުގަދަކޮށް ދެ ބައެއްގެ ދެމެދުގައި ވަނީ ބަހުގެ ހަމަލާތަކަކާ އެކު ހަމަނުޖެހުމެއް ގޮސްފައެވެ.

ހަމައޭގެ މައްޗަށް އިރު ގަޑެއް ނުވެއެވެ. މާލެއިން ހުޅުމާލެއަށް ފެރީ ދަތުރުކުރާ އެމްޓިސީސީ ފެރީ ޓާރމިނަލްގައި ދެބައެއްގެ ދެމެދުގައި މާރާމާރީއެކެވެ. އޭގެ ފަހުން މަސްތުގެ ހާލުގައި ހުރި ޟީހަކު ހައްޔަރުނުކުރެވިގެން ފުލުހުން އުޅުނު މަންޒަރެވެ. މިހެން ގޮސް ކިޔާފައި ނުކިޔާނެ ވާހަކައެއް ނެތެވެ.

މިދެކެވުނީ އެންމެ ދުވަހެއްގެ ވާހަކައެވެ. ނަމަވެސް ސަރުކާރުން މެޑަލް ޖަހަމުން ދަނީ މި ވެރިކަމުގައި ކުށުގެ އަދަދު ދަށްވެއްޖެ ކަމަށެވެ. ފަހަރުގައި އަބދުއްރަހީމުގެ ހިސާބު ޖެހުމުން ހިސާބު ޖަހަނީ ކަމުގައި ވެދާނެއެވެ.

ނަމަވެސް މިހުރިހާ ކަމަކުން ފެންނަނީ ކޮންމެ ފަސް މިނިޓަކުން ފުލުހެއް ނޫނެވެ. ކޮންމެ ފަސް މިނިޓަކުން މާރާމާރީއެއް ނޫނީ ވައްކަމެކެވެ.

ކޮމެންޓު
Copyright © 2013-2025 Media Ring Pvt Ltd.
All rights reserved