ކޮންމެހެން ބޭނުންވާ މުހިންމު ބައެއް ބޭސްތައް ފަހަކަށް އައިސް ރާއްޖެއިން ނުލިބޭތީ ރައްޔިތުންގެ ކަންބޮޑުވުން ފާޅުކުރަން ފަށައިފިއެވެ.

އާންމު ރައްޔިތަކު އެކްސްގައި ކުރި ޕޯސްޓެއްގައިި ބުނެފައިވަނީ އެސްޓީއޯ ބޭސް ފިހާރަގައި ބޭސް ނަގަން ގޮސް ހުއްޓާ އެ ބޭސް ފިހަރާއިން ބޭސް ނަގަން ދިޔަ ދާއިމީ ބަލިތަކަށް ބޭސްކާ އުމުރުން ދުވަސް ތިން މީހަކަށް ބޭސް ސިޓީއަށް ބޭސް ނުލިބުނު ކަމަށާ އަދި އޭނާ ބޭސް ނަގަން ދިޔަ ސިޓީއަށް ވެސް ހަތަރު ބޭހުން ލިބުނީ ދެ ބޭސް ކަމަށެވެ. އަދި މިއީ މީގެ ކުރިން އެސްޓީއޯ ބޭސް ފިހާރައިން ވާ ކަމެއް ނޫންކަން ވެސް އެމީހަ ފާހަގަކޮށްފައިވެއެވެ.

މީގެ އިތުރުން ސިއްހީ ނިޒާމު ޓާޝަރީ ފެންވަރަށް ދާ މަންޒަރު ނުފެންނަ ކަމަށްވެސް އެމީހާ ބުނެފައިވެއެވެ.

އެސްޓީއޯގެ ފާމަސީތަކުން ބޭސް ނުލިބި، ބޭސް ސިޓީތަކާއިގެން އެތައް ފާމަސީއަކަށް ދާންޖެހޭ ހާލަތަކަށް ކަންތައްތައް ވެއްޓިފައިވާކަމަށް ރައްޔިތުން އަންނަނީ ބުނަމުންނެވެ. އަދި މިކަމާ ގުޅޭގޮތުން ހިޔާލު ފާޅުކުރަމުންދާ ފަރާތްތަކުން ފާހަގަކުރި ގޮތުގައި، އެސްޓީއޯގެ ފާމަސީތަކުން ބޭސް ނުލިބުމުގެ މައްސަލަ ވަރަށް ބޮޑަށް ކުރިމަތިވަމުންދާ ކަމަށާއި، މިކަމުގެ ސަބަބުން ބޭސް ހޯދުމަށް އެތައް ތަނަކަށް ދާންޖެހި، ވަގުތާއި ފައިސާ އިސްރާފުވަމުންދާ ކަމަށެވެ.

މީގެ ކުރިން އާސަންދަ އަދި އެސްޓީއޯއިން ލިބޭ ބޭސްތައްވެސް އެންމެފަހުން ގަންނަންޖެހި، އެ ބޭސްތަ ނުލިބޭކަމުގެ ޝަކުވާތައް ވަނީ އިތުރުވެފައެވެ.