ރައީސް ޔާމީން ޕީއެންއެފްގެ ޖަލްސާގައި ވާހަކަފުޅު ދައްކަވަނީ / ތޭރަ އޮންލައިން
ސިޔާސީ
ޓިނު ގަނޑަކީ އޭގެ އަމިއްލަ ޒާތުގައި ސަޕޯޓަކާ ނުލާ ތަނެއްގައި ހަރުވެފައި އޮންނަ އެއްޗެއް ނޫން: ރައީސް ޔާމީން
Mariyam Isaadha
މަރިޔަމް އިސާދާ
10 ފެބްރުއަރީ 2025
މާލެ ސިޓީ

ރައީސް ކަމަށް، ޑރ މުހައްމަދު މުއިއްޒު ގެންނަން އަބްއްރަހީމު މަސައްކަތްކުރެއްވި މަގްސަދާ މިހާރު އަބްދުއްރަހީމާ މެދު ކަންކުރަމުން ރައީސް މުއިއްޒު ގެންދަވާ ގޮތާ މެދު ރައީސް އަބްދުﷲ ޔާމީން ފާޑުވިދާޅުވެއްޖެއެވެ.

އާދިއްތަ ދުވަހުގެރޭ ޕީއެންއެފުން ބޭއްވި ޖަލްސާގައި ވާހަކަފުޅު ދައްކަވަމުން ރައީސް ޔާމީން ވިދާޅުވީ ރައީސް މުއިއްޒަކީ ބޭނުން ކަމެއް ހާސިލްކުރެއްވުމަށް ކޮންމެ ފަދަ ދަރަޖައަކަށްވެސް ވެއްޓި ވަޑައިގެންފާނެ ބޭފުޅެއް ކަމަށާ އެގޮތުން ރިޔާސީ ޓިކެޓު ކާމިޔާބު ކުރުމަށް ޕީޕީއެމް / ޕީއެންސީ ތެރޭގައި ރައީސް މުއިއްޒު މަގު ކޮއްޓެވީ އަބދުއްރަހީމުގެ އެހީތެރިކަމާ އެކު އޭރު ޕީއެންސީގެ ސެނެޓުގައި ތިބި ސިޓީ ކައުންސިލްގެ މުވައްޒަފުންގެ ބޭނުން ކޮށްގެން ކަމަށެވެ.

އެގޮތުން ވޯޓުގެ ނަތީޖާ ބަދަލުވެގެން ދިޔައީ އަބްދުއްރަހީމުވެސް އެކަމުގައި ބައިވެރިވެގެން ކަމަށާ އެގޮތުން އޭނާއަށްވެސް އެކަނި ކަންކަން ހާސިލނުކުރެވޭނެކަން އެނގިގެން އަބްދުއްރަހީމު ރައީސް މުއިއްޒުގެ ހިޔަލުގައި ހުރެ ރިޔާސީ ޓިކެޓުގެ ވޯޓުގައި އާދަމް ޝަރީފަށް ނާކާމިޔާބުވި ދެ ވޯޓުވެސް ފައިސާގެ އަގެއްދީ ގެންނެވީ ކަމަށެވެ.

ރައީސް ޔާމީން ވިދާޅުވީ އަބދުއްރަހީމުވެސް އޭރު އެ މަސައްކަތްކުރެއްވި ސަބަބު ސަރުކާރު އައުމުން ހާމަވެގެން ދިޔަ ކަމަށެވެ.

އާދމް ޝަރީފު ދެ ވޮޓުން ބަލިވީ. އާދަމް ޝަރީފާ އެއްކޮޅަށް އެކަކު ވޯޓުލީ ނަމަވެސް ވޯޓު އެއްވަރުވާނެ އަޅުގަޑުމެން ހަނދާނަށް ގެންނަން ޖެހެނީ ސެނެޓުގައި ތިއްބެވި ވަރަށް ގިނަ މެމްބަރުންނަކީ މުއިއްޒު މުސާރަ ދީގެން ސިޓީ ކައުންސިލްގައި ވަޒީފާގައި ގެންގުޅޭ މީހުން. އަބްދުއްރަހީމު ކުރި އަނެއްކަމަކީ ރޭގަނޑު ބާއްވަން އޮތް ޖަލްސާ މީނައަށް ކަންތައްތަކެއް ވިސްނިގެން ހަވީރުގެ ގަޑިއަކަށް ބަދަލުކުރީ، އާދަމް ޝަރީފަށް ލިބިއެއް ނުލައްވާ މުއިއްޒަށް ލިބުުނު ފުރުސަތު. އަބްދުއްރަހީމު އެހާވަރަށް މުއިއްޒު ނެގުމަށް ހިތްވަރުކޮށްފައި ހުރި ސަބަބު މިހާރު އަޅުފަޑުމެން އެންމެންނަށް އެނގޭ. ގަބޫލުކުރަން ޖެހޭ ހަގީގަތަކީ އޭގެ ޒާތުގައި ވެސް ޓިނު ގަނޑަކީ ސަޕޯޓަކާ ނުލާ އަމިއްލަ ޒާތުގައި ތަނެއްގަ ހަރުވެފައި އޮންނަ އެއްޗެއް ނޫން. ވަރުގަދައަށް ބޯލްޓާ އިސްކުރާ ޖަހާފައި އޮތިއްޔާ ނޫނީ ޓިނުގަނޑު ހަރެއް ނުލާނެ. ވައިގަދަވެއްޖެއިއްޔާ އެއްލާލާނެ. އޭގެ މާނައަކީ އޭގެ ޒާތުގައި ވެސް ސަޕޯޓަކާ ނުލާ އަމިއްލައަށް އޮންނަ އެއްޗެއް ނޫން ޓިނު ގަނޑަކީ. އެގަހެއްގައި އަޅާ ފަންޏަކުންނޭ އެގަހެއް ހަލާކުވެދާނީ ބުނާ ބަހުގެ ހަގީގަތް ފެނިގެން މިދިޔައީ

- ރައީސް ޔާމީން

ރައީސް ޔާމީން އިތުރަށް ވިދާޅުވީ، ސަރުކާރުގެ ވެރިންގެ ކިބައިގައި މިއަދު ރައްޔިތުންނަށް ޚިދުމަތްކުރުމުގެ އިޚްލާސްތެރިކަން ނެތްކަމަށާ ވެރިންގެ މެދުގައި އޮތީ ވައްކަމާ ކޮރަޕްޝަން ކަމަށެވެ.

ކޮމެންޓު
Copyright © 2013-2025 Media Ring Pvt Ltd.
All rights reserved