ހުޅުމާލޭ ޕށް 2ގައި ހުންނަ ސްޓެލްކޯ ޓަވަރުން ވެއްޓި ދިވެހި ޒުވާނަކު ނިޔާވެއްޖެއެވެ.

މިކަމާ ގުޅިގެން މީޑީޔާތަކާ މައުލޫމާތު ހިއްސާކުރައްވަމުން ފުލުހުންގެ ޚިދުމަތުން ހާމަކުރި ގޮތުގައި ނިޔާވެފައިވަނީ ހ. ގިނިރާހި، އިބްރާހިމު ޝަރަފު (31) ކަމަށެވެ. އޭނާ ނިޔާވީ އެ ޓަވަރުގެ 9 ވަނަ ފަންގިފިލާއިން ވެއްޓިގެން ކަމަށާ އޭނާ ފެނުނީ ވެއްޓިފައި އޮއްވާ ކަމަށްވެސް ފުލުހުން ހާމަކޮށްފައިވެއެވެ.

ސްޓެލްކޯގެ ސީ ޓަވަރު ބިތްދޮށަށް ވެއްޓިފައި އޮއްވާ ޝަރަފު ފެނުނުއިރުވެސް ނިޔާވެފައިވާ ކަމަށް ވެއެވެ.

ފުލުހުން ޚިދުމަތުން މައުލޫމާތު ދިން ގޮތުގައި މައްސަލަ ދަނީ ތަހުގީގުކުރަމުންނެވެ.